Nehemia 12

1Malemadoma la Levidoma sɛba n daa doohe Sealtiel dayɔa Zerubabel la Yesua lebe na la n wana: Seraiah la Yeremia la Ezra la 2Amaria la Maluk la Hatus la 3Sekania la Arehum la Meremot la 4Ido la Gineton la Abiya la 5Miyamin la Moadia la Bilga la 6Semaiah la Yoiarib la Yedaiah la 7Sallu la Amok la Hilkia la Yedaiah. Bana n de malemadoma nɛŋadoma, la ba taaba Yesua saŋa la poan. 8Levidoma dela Yesua la Binui la Kadmiel la Serebia la Yuda la Matania n de yooma la pɛnka saŋa nɛŋadaana la a taaba. 9Bakbukia la Uni la ba taaba la n soŋorɛ yoonyooneba wa la n ne zɛ'a ba pooren ba yooma la saŋa. 10Yesua n de Yoiakim sɔ, te Yoiakim dɛna Eliasib sɔ, te Eliasib dɛna Yoiada sɔ, 11te Yoiada dɛna Yonatan sɔ, te Yonatan dɛna Yadua sɔ. 12Yoiakim saŋa, malemadoma n de yizuto keendoma n wana: Seraiah yire n de Meraiah la Yeremia yire n de Hanania la 13Ezra yire n de Mesulam la Amaria yire n de Yehohanan la 14Maluk yire n de Yonatan la Sekania yire n de Yosef la 15Harim yire n de Adna la Meremot yire n de Helkai la 16Ido yire n de Zekaria la Gineton yire n de Mesulam la 17Abiya yire n de Zikri la Miniamin la Moadia yire n de Piltai la 18Bilga yire n de Samua la Semaiah yire n de Yehonatan la 19Yoiarib yire n de Matenai la Yedaiah yire n de Uzi la 20Salai yire n de Kalai la Amok yire n de Eber la 21Hilkia yire n de Hasabia la Yedaiah yire n de Netanel. 22Levidoma yizuto keendoma yu'ura golehɛ la saŋsɛka te Eliasib la Yoiada la Yonatan la Yadua doma dɛna malemadoma keendoma la Persia teŋa naba Darius saŋa la. 23Levi yaahe la yizuto keendoma la yu'ura golehe eta la Yelebiŋ'a Gɔŋɔ la poan na paɛ Eliasib dayɔa Yohanan saŋa la. 24Levidoma wa nɛŋadoma dela Hasabia la Serebia la Kadmiel dayɔa Yesua, te ba taaba ne zɛ'a ba pooren te ba yoona pɛngera ge na'aha Yenɛ, te bana ne yoon te bana kɔkɛ wo Yenɛ nɛra David n pa'alɛ ba se'em la. 25Matania la Bakbukia la Obadia la Mesulam la Talmon la Akub n de nayaŋa guruba, behera lɔgɔrɔ biŋere bɔ'ɔrɔ la n lɛm nayahe la. 26Ba tone n bala saŋsɛka te Yozadak dayɔa Yesua me dayɔa Yoiakim dɛna malemadoma keema, la saŋsɛka te Nehemia dɛna teŋbehega tigire nɛŋadaana, te Ezra dɛna malemadaana la gɔŋgoloha la. 27Yerusalem dangoone la ba'ahegɔ de'eŋɔ saŋa la, te ba doohe ɛ Levidoma wa ban boe zen'an woo, tare ba wa'an Yerusalem la na te ba de'em la nyeema, yoona la pɛnka yooma la yooma se'a te senyagahe la kɔnlɔ la duurenhe ŋmɛ'ɛra dɔla. 28Ge ba doohe Yerusalem zan'an, Netopadoma teŋhe la poan, lagahɛ yoonyooneba la na, 29doohe Bet Gilgal la Geba la Azmavet teŋhe la zan'an. Se'ere n sɔe la, yoonyooneba wa mɛ la ba mɛhe teŋhe bɔna se poan. 30Te malemadoma wa n daa pee ba mɛhe, ba pee nɛreba la nayahe la dangoone la. 31Te mam bahɛ te Yuda nɛŋadoma la zom dangoone la zuin ha, ge loe yoonyooneba sugumnɔɔren boyi' te basɛba bɔna dangoone la zuo zuɔ bɔba yoona yɛ'a Nagombeto Nayaŋa la. 32Te Hosaiah la Yuda teŋa nɛŋadoma la porogerɛ dɔla ba la 33Azaria la Ezra la Mesulam la 34Yuda la Benyamin la Semaiah la Yeremia 35la malemadoma basɛba n tare tentana la Zekaria n sɔ de Yonatan n sɔ de Semaiah n sɔ de Matania n sɔ de Mikaiah n sɔ de Zakur n sɔ de Asap la 36a taaba Semaiah la Azarel la Milalai la Gilalai la Maai la Netanel la Yuda la Hanani n tara bonŋmɛ'ɛla wo David n de Yenɛ nɛra la n pa'alɛ ba se'em la. Te Ezra n de gɔŋgoloha la bɔna toondena wa nɛŋa. 37Ba doohe Ko'niho Nayaŋa nɔɔren la zuo la dangoone la kura la lo'ohe zom David Teŋa kura la zom ka poan, ta gaŋɛ David yire la bahɛ, wa'ana paɛ Ko'om Nayaŋa la n lebehe dapɔya bɔba la. 38Te yoonyooneba sɛba n tagalɛ boyi' la me doohe zen'an kayema me. Mam bɔna dangoone la zuo dɔla ba, la nɛreba la porogerɛ, te to wa'ana gaŋɛ Boroboro Dewoko la, wa'ana paɛ Dangoon Yaleŋa la, 39zooe Epraim Nayaŋa la Nayaŋa Kɛka la Zim Nayahe la Hananel Dewoko la Kɔbehe Dewoko la, wa'ana paɛ Piihe Nayaŋa la. Gura Nayaŋa la nɔɔrɛn te to nya ze'ele. 40Te yoonyooneba sugumnɔɔren boyi' la nya zin'ire ba zin'ihego zen'an Yenɛ Yire la poan, te mam me zin'ire n zin'ihego zen'an, la kpɛ'ɛndoma la porogerɛ n boe la mam 41la malemadoma Eliakim la Maaseiah la Miniamin la Mikaiah la Elioenai la Zekaria la Hanania n tara ba tentana, 42ge me Maaseiah la Semaiah la Eleazar la Uzi la Yehohanan la Malkiya la Elam la Ezer. Te Yezrahia bɔna yoonyooneba la nɛŋa te ba yoona. 43De daarɛ te ba kaanbɛ kaanbegɔ kantɛ, ge nyeena, la Yenɛ n bo ba popeelom kantɛ bona wa la zuo. Te pɔgɔhe la kɔma me nyeena. Te nyeema la n boe Yerusalem poan la voole wuna zen'an n zaan ha. 44De daarɛ la, ba loohe la boraahe te se gu'ura banya la te te ba lagahera la dideena la pia porogerɛ bo'olom tara kena biŋera bini la. Samana se'a woo n boe teŋse'ehe woo n boe bini la nɛreba n wan tara lɔgɔtona kena banya la poan na wo malemadoma la Levidoma la n ze'ele pa'alegɔ se'em la. Se'ere n sɔe la, Yuda nini tegɛ mɛ la malemadoma la Levidoma la tooma la. 45Bama tone la ba Yenɛ la tooma la peere tooma la, te yoonyooneba la nayaŋa guruba la me tona ba tooma, wo David la a dayɔa Solomon n bo nɔɔrɛ se'em la. 46Se'ere n sɔe la, deemen deemen ha la, David la Asap saŋa ha la, nɛra n ne bɔna yoonyooneba la nɛŋa, ge pa'ala pɛnka la na'ahegɔ yooma la te ba wan yoon bo Yenɛ la. 47Bala, Zerubabel la Nehemia saŋa poan la, Israel zan'an lagahere lɔgɔrɔ mɛ daarɛ woo bɔ'ɔra yoonyooneba la nayaŋguruba la. Ge me lagaha bɔ'ɔra Levidoma la, te Levidoma la me yɛhera bilam bɔ'ɔra Aron yaahe la.

will be added

X\