Nehemia 10

1Sɛba n din'inhe ba danlehom ko poan dela, teŋbehega tigire nɛŋadaana Hakalia dayɔa Nehemia la Zedekia la 2Seraiah la Azaria la Yeremia la 3Pasur la Amaria la Malkiya la 4Hatus la Sebania la Maluk la 5Harim la Meremot la Obadia la 6Daniel la Gineton la Baruk la 7Mesulam la Abiya la Miyamin la 8Maazia la Bilgai la Semaiah. Malemadoma n bala. 9Levidoma dela Azania dayɔa Yesua l Henadad dayɔa Binui la Kadmiel 10la ba taaba Sebania la Hodia la Kelita la Pelaiah la Hanan la 11Mika la Arehob la Hasabia la 12Zakur la Serebia la Sebania la 13Hodia la Bane la Beninu. 14Yizuto keendoma dela Paros la Pahat Moab la Elam la Zatu la Bane la 15Buni la Azgad la Bebai la 16Adoniya la Bigvai la Adin la 17Ater la Hezekia la Azur la 18Hodia la Hasum la Bezai la 19Harip la Anatot la Nebai la 20Magpias la Mesulam la Hezir la 21Mesezabel la Zadok la Yadua la 22Pelatia la Hanan la Anaiah la 23Hoshea la Hanania la Hasub la 24Halohes la Pilha la Sobek la 25Arehum la Hasabna la Maaseiah la 26Ahia la Hanan la Anan la 27Maluk la Harim la Baana. 28Nɛreba sɛba n gee la, malemadoma la Levidoma la nayahe guruba la yoonyooneba la Yenɛ Yire tontoneba la sɛba woo n yelege ba mɛhe teŋa la nɛreba la zen'an, doohe Yenɛ Pa'alegɔ la zuo la, ta pa'ahɛ ba pɔgɔba la ba dayɔɔhe la ba pɔyɔɔhe sɛba n wan ta'an bɔkɛ sɛla, 29te bana woo nya lagom la ba sɔɔnrɔ n de nɛrezura la, te ba zan'an pɔ' te ba wan dɔla Yenɛ Pa'alegɔ la te Yenɛ doohe a yameŋa Moses poan bo to la, ge ma'ɛn ba mɛhe nana Na'ayenɛ to Daana la nɔse'a la nɔze'elego la malema la woo te a bo la. 30Te to biŋe nɔɔrɛ te to kan tara to pɔyɔɔhe ɛleha teŋse'ehe nɛreba n kae to la, bii to dita ba pɔyɔɔhe bɔ'ɔra to dayɔɔhe. 31Han dɛna teŋa nɛreba n tare ba lɔgɔrɔ bii ki na te ba koohe Vo'ohogo Daarɛ, to kan da' ba Vo'ohogo Daarɛ la bii to toolom dabahese'ere poan. Yuuma ayopɔe woo poan, to kan kɔ yuun denɛ poan, ge me bahɛ to sɔɔn woo n tare to sanɛ bo en. 32To me sakɛ ya te yuunɛ woo to wan bɔ'ɔra kpile peka deyena te la tara tona Yenɛ Yire la tooma la. 33Tooma lɔgɔrɔ dela boroboro se'ere n wan pagela tebole zuo daarɛ woo la daarɛ woo boom bo'olom la nyɔ'an bo'olom la Vo'ohogo Daarɛ kaanbegɔ bo'olom la ŋmarepaalehe de'enɔ la de'enɔ seto woo n nare la toolom bo'olom la be'em bo'olom te ba kaanbɛ duuhe be'em bo Israeldoma zan'an la toonse'a woo n boe to Yenɛ Yire wa poan. 34Tomam sɛba n de malemadoma la Levidoma la nɛreba la ŋmɛ' la gbaŋa te to baŋɛ yuunɛ woo poan, to yire se'ere doma n ne wan tare dɔɔrɔ seto keŋɛ to Yenɛ Yire te to wan tara nyɔ'anra Na'ayenɛ to Yenɛ kaanbegɔ daka la zuo la kena saŋsɛka te to wan bɔta tɔ, wo lan golehɛ Pa'alegɔ la poan se'em la. 35To me sakɛ ya te to wan tara to kɔa dideena la tideena kena Na'ayenɛ Yire wa poan na yuunɛ woo. 36Wo lan golehɛ se'em nɔze'elego la poan la, to wan tara to dayɔkeema la to dunhe la to nii la to piihe sare sare kɔma kena Yenɛ yire wa poan na bɔ'ɔra malemadaana se'em n boe de poan tona la. 37Le yɛ'ɛha, to wan tara to kɔa dideena la to boom bo'olom la tiihe woo n wom la daam paalom la kaam kena Yenɛ yire baanrɛ wa poan na bɔ'ɔra malemadaana la, ge tara to dia pia porogerɛ bo'olom kena na bɔ'ɔra Levidoma la. Se'ere n sɔe la, bama n to'ohere to pia porogerɛ bo'olom teŋse'ehe woo te to bɔna se poan tona la. 38Malemadaana se'em n de Aron yaahe la poan ne wan dɔla Levidoma wa te ba tɔ'ɔha ba pia porogerɛ bo'olom la, te Levidoma la me ne yehe ba pia porogerɛ bo'olom la poan porogerɛ pia tare wa'an Yenɛ yire baanrɛ la poan na. 39Israel nɛreba la Levidoma la me ne lagahɛ ba boom la daam paalom la kaam bo'olom me wa'an lɔgɔrɔ biŋere zen'an la n boe toolom yire la poan na, zen'an te malemadoma la nayaŋguruba la yoonyooneba la bɔna la na. Bala te to kan bahɛ to Yenɛ la yire wa.

will be added

X\