Mikah 4

1Dabeha kene na te Na'ayenɛ Yire zoore dɛna zɔya woo naba, tara zuo gana zɔya wa zan'an. Te nɛreba zo'e zo'e wan kena de zuo na. 2Teŋhe zo'e zo'e wan kena na ge yɛta yeti, Wa'an ya na te to keŋɛ zom Na'ayenɛ zoore la n de Yakob Yenɛ Yire la zuo. A wan pa'alɛ tɔ a nɔya te to dɔla a pa'alegɔ. Bilam te Zion wan dela zamehegɔ zen'an ge Na'ayenɛ pa'alegɔ wan ze'ele Yerusalem la yehe na. 3A wan bɔna nɛreba zo'e zo'e teŋasoka gankera ba yɛla, ge maalɛ teŋkanra n zaan nɔkpɛ'ɛma bɔba. Ba wan dekɛ ba zaba so'ahe tee kure kuya, ge dekɛ ba zaba kana kure kɛɛrehe. Teŋa kan le yɛ loko te ka zabɛ la ka tadaana bii ba le zameha zaberɛ. 4Nɛra woo wan dɛla a yire tia teŋa fai, te se'em ka bɔna wan vuunhe en. Se'ere n sɔe la Pɛɛntɛɛnreba Na'ayenɛ yele se'em n bala. 5Teŋhe woo ta'an dɔla ba yena, ge tomam wan dɔla la Na'ayenɛ to Yenɛ la yɛ'ɛha. 6Na'ayenɛ yeti, Daanden daarɛ, N wan lagahɛ wɔbehe, ge lagahɛ sɛba n zɔ' loŋe teŋhe sese'ehe poan la na, la sɛba te mam dekɛ sunsagaŋɔ wa'an ba zuo na la. 7N wan sɛ wɔbehe ze'ele, ge bo sɛba te ba sa'aha ba ba teŋa poan bahɛ la paŋa, te ba ta'an sɔna ba teŋa la beha. Mam Na'ayenɛ wan beha ba Zion Zoore la zuo daanden daarɛ yɛ'ɛha 8Ge han dɛna yamam sɛba n de teŋa la guruba la, yamam sɛba n de Na'ayenɛ yire kɔma la, n wan lebehe dekɛ paŋsɛka n yuum pon bɔna la bo ya. Na'am wan le lebe Yerusalem teŋa wa poan na. 9Bene te ho kaaha vɔɔla bala? Ho ka tare la naba bii? Ka'ana la ki' mɛ ge te la wona hɔ wo pɔka n virige la? 10Yerusalem teŋa wa, fabela mɛ ge unha wo pɔka n virigere la. Se'ere n sɔe la, ho wan bahɛ ho teŋa wa ge keŋɛ teŋsɛka poan ta tin' pagahe bilam bɔna. Ba wan pɛnregɛ hɔ keŋɛ Babilon teŋa. Bilam te ho wan ta bɔna ge nyɛ' faanrɛ. Bilam te Na'ayenɛ wan ta fan' hɔ ho diŋdoma nu'uhe bahɛ. 11Ge nananawa, teŋhe kekeko n lagahɛ taaba te ba zabɛ la hɔ. Ba yele taaba yeti, To eŋɛ ya en te a ganlom. To poorɛ pee la Zion n lu' la. 12Ge ba ka mi' mam Na'ayenɛ n tɛn'ɛhe sɛla. Ba ka bɔkɛ mam n maahom se'em. Mam kan'ahere ba mɛ wo ki la yɛ'a tɔa. 13Yerusalem teŋa wa, ihege saazuo tɔ ho diŋdoma la. N wan bo ho kuto iila, ge bo ho kuto tagara te ho wɔnrɛ teŋhe zo'e zo'e. Ho wan vaɛ lɔgɔseto te ba fan' la tare to na bo mam Na'ayenɛ. Ho wan vaɛ ba lɔgɔrɔ la zan'an tare na bo teŋparɛ zan'an Daana wa.

will be added

X\