Amarkɩ 16

1Vo'ohogo Daarɛ n daa tole ba'ahɛ la, te Mari Magdalene la Yames ma Mari la Salome da' nyɛga kaam te ba keŋɛ ta sɔn' kum la. 2Yiimbeere Alaherɛ daarɛ bolika, wontɛɛŋa n ne zom se'em ma'an la, te ba yɛ'a yɔɔ la zen'en, 3ge ba sɔkera taaba yeti, Ane n wan bilige taŋa la bahɛ bo to? 4Ban pɔnrɛ la, ba nyɛ' te taŋa la n kanrege la, bilige mɛ gan'an. 5Ge ban kɛn' yɔɔ la poan la, ba nyɛ' te bodibipaalega zin' zuɔ nu'o bɔba la yɛ' fupeelega, te la eŋɛ ba pakera. 6A la yele ba yeti, Da bahɛ ya te la eŋɛ ya pakerɛ, ge mam mi' te ya eere la Yesu Nazaret boraa sɛka te ba daa kpa' punpuuredɔɔ zuo la. A ka boe kalam. A vo'e a kum la poan mɛ! Behɛ ya, ban biŋe en zen'en n wana. 7Keŋɛ ya nananawa la ya ta yele a dɔlɔba la Peter, te a tole nɛŋa yɛ'a Galilee teŋa poan ha. Ya wan nyɛ' en bilam ha wo n daa pon yele ya se'em la. 8Te pɔgɔhe la yehe yɔɔ la poan zɔta kena ge gbe'era ge te ba giinla kɔ'ɔhɛ. Ba ka tɔgɛ sese'ere bo nɛra. Se'ere n sɔe la dabeem n daa tare ba. 9Yesu n daa vo'e a kum la poan Alaherɛ daarɛ la, a lilige a mɛŋa yia bo Mari Magdalene, se'em te a daa sa'ɛ bonbɛ'ɛhe seyopɔe te se yehe a zen'en la. 10A keŋɛ ta dekɛ de yele a taaba, sɛba n daa lagom bɔna la Yesu ge fabela ge kaaha. 11Ban ta wom te Yesu vo'e mɛ la, te enŋa nyɛ' en la, ba ka sakɛ bo en. 12Pooren a dɔlɔba la bayi' boe la sore zuo kena te Yesu paɛ ba zen'an, ge ba nyɛ' te a nɛŋa n tee. 13Te bama me lebe ta yele ba taaba ge te ba ka sakɛ bo ba. 14Pooren te a dɔlɔba la pia la ayema la ta bɔna bini dita te a lilige a mea ba zen'an. A nya tɔge ba la ban ka sakerɛ bɔ'ɔra en la, te ba suunre me kanbɛ, ba ka sakerɛ bɔ'ɔra sɛba n nyɛ' en la zuo. 15A yele ba yeti, Keŋɛ ya zen'an woo teŋa wa zuo la ya mɔɔlɛ yelesoma la bo nɛra woo. 16Se'em woo n sakɛ bo mam ge to'e ko'om soa, wan nyɛ' faanrɛ. Ge sɛba woo n ka sakɛ, Yenɛ wan namehe ba. 17Sɛba n sakɛ bo mam n wan tara yele ana paŋa. Ba wan dekɛ mam yu'urɛ sa'ahɛ bonbɛ'ɛhe nɛreba zen'enhe poan. Ba wa tɔgɔra yetɔgom buuri buuri. 18Ba han nyɔkɛ bonsɛ'doma bii ba nyu' la yabega, la kan eŋɛ ba se'ere. Ba han dekɛ ba nu'uhe pagalɛ ban'ahedoma zuo, ba wan eŋɛ som. 19Yesu n tɔgɛ bo ba ba'ahɛ la, Yenɛ bahɛ en te a zom la saazuo te a ta zin'ire Na'ayenɛ zuɔ nu'o bɔba. 20A dɔlɔba la keŋɛ zen'an woo ta mɔɔlɛ yelesoma la bo nɛreba. Ge te Na'ayenɛ la me daa soŋɛ ba, bo ba yelekerehe pa'alɛ te yelese'a te ba mɔɔla la dela sera.

will be added

X\