1 Dabaherɛ la kene na. De yeti de dita mɛ wo bugum la. Nɛre wuruba la toonfɛn'ɛhadoma wan dɛna sɔgɔrɔ te dabaherɛ la wa'ana taɛ ba di wo bugum n taɛ mɔɔ dita la. Pɛɛntɛɛnreba Na'ayenɛ la n yele se'em n bala. Bugum la wan di ba yila ta' ba yeŋa zan'an, te ba sɛla kan gee. 2 Ge yamam sɛba n zote mam yu'urɛ la, Na'ayenɛ soŋa wan nɛɛ wo wontɛɛŋsoŋa la bo ya. Ya ne wan yehe na ɛngera la popeelom wo nagabibihe te ba yu'ɛ nagadeene poan bahɛ na te se ɛngera kihi se'em la. 3 Ya wan nɛ toonfɛn'ɛhadoma ferɛ, Daanse'ere daarɛ te n yeti n tom yele ana wa la. Ba wan dɛna lebege tampegelom ya na'man te ya nɛɛra tɔla. Pɛɛntɛɛnreba Na'ayenɛ yele se'em n bala. 4 Tɛnre ya mam yameŋa Moses pa'alegɔ, nɔɔrɛ seko la ze'elego seko te mam yuun dekɛ bo en Horeb Zoore zuo te a dekɛ bo Israeldoma la zan'an. 5 Behere ya, N wan ta tom n nɔtɔgɔha Eliya te a wa'ana ge te mam dabaherɛ wa nya paɛ. 6 A wan wa'ana bahɛ te sɔdoma sunya ŋmɛregɛ lebe ba kɔma poan, te kɔma me sunya ŋmɛregɛ lebe ba sɔdoma poan. Han dagana bala, n wan tare kan'be'o wa'an teŋa wa zuo na.
