Malema 9

1Dabeha anii daarɛ te Moses yi' Aron la a dayɔɔhe la, la Israel keendoma la na, 2yele Aron yeti, Nyɔkɛ lɔle te sɛsɛla ka eŋɛ, ka te ka dɛna be'em bo'olom, la peraa te sɛsɛla ka eŋɛ ka, te ka dɛna nyɔ'an bo'olom na kaanbɛ bo Na'ayenɛ. 3Yele Israeldoma wa yeti, ba tare botela te ka dɛna be'em bo'olom, nagapole la peraa n de yuunɛ te sɛsɛla ka eŋɛ ba, te bama dɛna nyɔ'an bo'olom, 4ge tara lɔlega la peraa te bama dɛna sunma'ahom bo'olom na kaanbɛ bo Na'ayenɛ, la boom bo'olom te kaam ka'ɛ eŋɛ bini. Se'ere n sɔe la, zina, Na'ayenɛ wan nɛɛ a mɛŋa pa'alɛ ya. 5Te nɛreba la tare sɛla woo te Moses yele ba la wa'an Sogorɛ la nɔɔrɛn na, te tiiheŋɔ la zan'an wa'ana zɛ'a Na'ayenɛ nɛŋan, 6te Moses yele ba yeti, Na'ayenɛ n bo ya nɔɔrɛ te eŋɛ sɛla n wana, te a nɛɛ a mɛŋa pa'alɛ ya. 7Te Moses yele Aron yeti, Paɛ kaanbegɔ daka wa, la ho kaanbɛ ho be'em bo'olom la ho nyɔ'an bo'olom la, la ho duuhe ho mɛŋa be'em, la nɛreba wa be'em bahɛ. Kaanbɛ nɛreba la bo'olom la duuhe ba be'em bo ba, wo Na'ayenɛ n bo a nɔɔrɛ se'em la. 8Te Aron paɛ kaanbegɔ daka la kɔrɔgɛ lɔle la n de a be'em bo'olom la kaanbɛ bo a mɛŋa. 9Te a dayɔɔhe la tare ziim la na bo en te a dekɛ a nu'dibila tom bo poan dekɛ miihe daka la iila, gee ka'ɛ sebo n gee la yeele daka la teŋa na. 10Ge te a nyɔ' be'em bo'olom kaam la, soloŋo fiin la sɛyiga la daka la zuo, wo Na'ayenɛ n bo Moses a nɔɔrɛ se'em la. 11Ge nɛnɔ la la ganɛ, te a tare yehe tiiheŋɔ la kenkɛleŋa ha ta nyɔ'. 12Te a kɔrɔgɛ nyɔ'an bo'olom la, te a dayɔɔhe la dekɛ ziim la bo en, te a miihe kaanbegɔ daka loga la kae. 13Te ba degeha nyɔ'an bo'olom la nɛndaa nɛndaa bɔ'ɔra en, ta ta' la zuo la, te a nyɔ' ba zan'an daka la zuo, 14ge nya pee pooren lɔgɔrɔ la, la bɛɛhe la, nyɔ' ba nɛnɔ seto n pon bɔna daka la zuo dita la. 15Te Aron nya tare sɛla n de nɛreba la bo'olom la na. A tare boa n de nɛreba la be'em bo'olom la na, kɔrɔgɛ ka kaanbɛ te la dɛna nɛreba la be'em kaanbegɔ, wo enŋa n eŋɛ yia duŋa la se'em la. 16Te a tare nyɔ'an bo'olom la na nyɔ' kaanbɛ doohe bo kaanbegɔ en pa'alɛ se'em la, 17ge tare boom bo'olom la me na, tɔbegɛ bo la nu'o me'en nyɔ' bo kaanbegɔ daka la zuo, la daarɛ woo bolika nyɔ'an bo'olom la. 18Te a kɔrɔgɛ nagapole la, la peraa la n de nɛreba la sunma'ahom bo'olom la, te a dayɔɔhe la bo en ziim la te a ka'ahɛ bɔ yeele daka la loga mum. 19Ge nagapole la, la peraa la kaam nɛnɔ la, zoku'urɛ, la kaam sebo n pin' ba pooren lɔgɔrɔ la, sɛyiga la, la soloŋo fiin la, 20ba dekɛ pagalɛ la nyɔn'ɔn la zuo. Te Aron le dekɛ kaam nyɔ' la zan'an daka la zuo. 21Te Aron zɛnkɛ nyɔn'ɔn la la zuɔ gbere la Na'ayenɛ nɛŋan wo Na'ayenɛ n bo Moses a nɔɔrɛ se'em la. 22Te Aron zɛnkɛ a nu'uhen tɔ nɛreba la, kan' som bahɛ ba zuo. Enŋa n kaanbɛ be'em bo'olom, nyɔ'an bo'olom, la sunma'ahom bo'olom la ba'ahɛ la, a sige mɛ na. 23Te Moses la Aron kɛn' Sogorɛ la poan ha, ge yehe na, kan' som bahɛ nɛreba la zuo, te Na'ayenɛ paŋa sige nɛreba la zan'an nɛŋan. 24Te bugum ze'ele Na'ayenɛ zen'en na di nyɔ'an bo'olom nɛnɔ la en page kaanbegɔ daka la zuo la. Nɛreba la zan'an n nyɛ' wana la, ba poorɛ pee mɛ, te ba zin'ire pɔnrɛ na'ma.

will be added

X\