Malema 6

1Te Na'ayenɛ tɔgɛ bo Moses yeti, 2Ya se'em han tom be'em ka le dɛna yelemɛŋɛrɛdaana Na'ayenɛ nɛŋan, doohe la a tadaana lɔkɔ n boe a zen'an, bii a dekɛ la sɛla bo en te a beha, bii a zun' en mɛ, bii a pim en mɛ ge pan'ahɛ en, 3bii a pin'ɛn la lɔkɔ ge parom doohe ko poan, bii a mi' la sɛla yele ge sina ge pɔ' ponpɔrɔŋɔ pɔa, bii a tom be'em sebo te nɛreba n tone be'em sebo woo la taaba, 4a han tom be'em bona, a gee mɛ en bala. A tare enŋa en zun' sɛla la, bii n pim, bii sɛla te ba dekɛ bo en te a beha la, bii lɔkɔ seko te a pin'ɛn la, 5bii sɛla te a mini de yele ge pɔ' ponpɔrɔŋɔ pɔtɛ la lebe. A lebehe maalɛ de, ge yɔ lɔkɔ la n zone se'em la porogerɛ boyena bonuu poan pa'ahɛ lɔkɔ la poan bo ko daana en baŋɛ daanse'ere daarɛ te a ganlom ya la. 6A wan yɔ sɛla dela, a tare a lebehe yɔ' bo'olom la na bo malemadaana la n ze' Na'ayenɛ na'arɛ la. Bo dɛna peraa te a nyɔkɛ a duŋbɔɔnlɔgɔ poan, te sɛsɛla ka eŋɛ ka, te ka me paɛ ligiri la. 7Malemadaana la n wan kaanbɛ nɛra la be'em duuhego la se'em n bala, te Na'ayenɛ bahɛ a be'em bo en. 8Te Na'ayenɛ tɔgɛ bo Moses yeti, 9Bo' Aron la a dayɔɔhe wa nɔdena. Nyɔ'an bo'olom la pa'alegɔ n wana. Nyɔ'an bo'olom la kɔ'ɔn dɛna la bo paga nyɔ'an kaanbegɔ daka la zuo yu'uŋɔ zan'an paara bolika. Bugum la me kɔ'ɔn dita nyɔ'an zen'an la bala yelegere beere. 10Te malemadaana la ne yɛ' lɔgɔpeela sengelɛ kuregerega peelega poan, uuha nyɔ'an bo'olom la en n nyɔ'ɔnre daka la zuo, kaanbɛ zogɛ teŋa la, biŋera daka la kenkɛleŋa. 11A ne yɛɛ futonɔ biŋe, ge tee futo yoo yɛ la a tare bonkanbela la yehe tiiheŋɔ la kenkɛleŋa, keŋɛ toolom zen'an la poan. 12Bugum la n boe daka la zuo la dela bo kɔ'ɔn dita. Bo da malom keŋɛ. Bolika woo, malemadaana la ne pa'ahɛ dɔɔrɔ bo poan, ge maalɛ nyɔ'an bo'olom pagalɛ bo zuo, nyɔ' sunma'ahom bo'olom kaam la. 13Bugum la kɔ'ɔn dita daka la zuo bala. Bo da malom keŋɛ. 14Boom bo'olom pa'alegɔ n wana. Aron dayɔɔhe la n de malemadoma n ne wan tare bo'olom la wa'an Na'ayenɛ zen'an na, kaanbegɔ daka la nɛŋan. 15Malemadaana la ne wan tɔnbegɛ boom bo'olom zom la nu'o me'en, la kaam la, dɔkɛ digilom la n dɔgɛ bo'olom la zuo la zan'an, te la dɛna tɛnrega bonɔ, te a nyɔ' ba daka la zuo, te la dɛna kaanbegɔ nyɔ' bo Na'ayenɛ. 16Aron la a dayɔɔhe la n sɔe sɛla n gee la dita, ge ya da dita ka te mi'ihom bɔna bini toolom zen'an la poan. Ya dita ka Sogorɛ la zenzaka la poan. 17Ya da dekɛ mi'ihom pa'ahɛ ka poan maalɛ disɛka. Mam n dekɛ disɛka n wan dekɛ ne nyɔ' bo mam la bo ba te la dɛna ba tɔntɛ wo mam bo ba be'em bo'olom la lebehe yɔ' bo'olom se'em la. La dela toolom bonɔ. 18Bodibila woo n de Aron buuri poan ta'an di ka. A tɔntɛ n kɔ'ɔn bala kaanbegɔ seko n ne dekɛ nyɔ' bo Na'ayenɛ la poan, buuri saŋsɛka woo n kene na la poan. Sɛla yoo n kalom dikana wa ganlom mɛ. 19Na'ayenɛ tɔgɛ bo Moses mɛ yeti, 20Bo'olom sebo te Aron la a dayɔɔhe wan tare na bo Na'ayenɛ, a kaam soa daarɛ dela zomsomɔ la wola, te la dɛna boom bo'olom, ne poregɛ bɔ girigo bolika la zanɔɔrɛ. 21A ne nɔm bo la kaam, dekɛ maalɛ boroboro sare poan. Ne nɔm ya bo soŋa maalɛ boroboro la, bure a buuri buuri tare na bo te la dɛna kaanbegɔ nyɔ' bo Na'ayenɛ. 22Aron dayɔsɛka n wan ta sɔ' en la kaam dɛna malema nɛŋadaana la, n wan ne maalɛ dikana Na'ayenɛ tɔntɛ n bala saŋa woo. Kaŋa zan'an nyɔ'anre mɛ. 23Malemadaana woo boom bo'olom woo zan'an dekere nyɔ'anra mɛ. Bomɔ ka dite. 24Te Na'ayenɛ tɔgɛ bo Moses yeti, 25Yele Aron la a dayɔɔhe la yeti, be'em bo'olom la pa'alegɔ n wana. Be'em bo'olom la kɔrɔgere la Na'ayenɛ nɛŋan, zen'an te nyɔ'an bo'olom la kɔrɔgera la. Bo ba' dɛna la toolom bonɔ. 26Malemadaana se'em n kaanbɛ la, la a taaba n dite ka. Ka me dite la toolom zen'an poan, Sogorɛ la zenzaka la poan. 27Sɛla yoo n kalom nɛnɔ tona wa ganlom mɛ. Kaanbegɔ kona wa ziim han kalom fuseko, ya pee ko toolom zen'an la poan. 28Dugoseko n dekɛ dugɛ nɛnɔ tona wa la han dɛna la yɔgɔrɔ dokɔ, wɔnregɛ ya ko bahɛ, ge ko han dɛna nyɔgom dokɔ, pee ya ko la ko'om. 29Bodibila woo n de malemadoma la buuri ma'an n dite ka. Ka ba' dɛna la toolom bonɔ. 30Ge be'em bo'olom sebo woo ziim n tare kɛn' Sogorɛ la poan na kaanbɛ be'em duuhego la Saraa la poan, ya ka obere. Tonɔ zan'an nyɔ'anre mɛ.

will be added

X\