Malema 27

1Te Na'ayenɛ tɔgɛ bo Moses yeti, 2Yele Israeldoma la yeti, se'em han pɔ' nɔɔrɛ la Na'ayenɛ te a wan bo en nɛra sɛla te a wan tee dekɛ lebehe nɔɔrɛ la n wana. 3Ya han behɛ nɛra la, te se'em n paɛ yuum pihiyi', beene yɛ'a han yuum pihiyoobe poan ge dɛna boraa, a tare la Sogorɛ sanlenpeelega kpila pihinuu, 4la han dɛna la pɔka, a tare la sanlenpeelega kpila pihitan' 5Te la han dɛna bodibila n paɛ yuuma anuu beene yɛ'a han yuum pihiyi', a tare la sanlenpeelega kpila pihiyi' ge la han dɛna pugula, la dela sanlenpeelega kpila pia. 6Ge la han dɛna bodibila n paɛ ŋmarega beene yɛ'ɛha yuuma anuu, a tare la sanlenpeelega kpila banuu, ge la han dɛna pugula, la dela sanlenpeelega kpila batan' 7La han dɛna boraa n paɛ yuum pihiyoobe beene yɛ'ɛha, tare la sanlenpeelega kpila pia la banuu, ge la han dɛna pɔka, la dela sanlenpeelega kpila pia. 8Se'em biŋe nɔɔrɛ la han dɛna la naha, a ye'ehe la malemadaana zen'an na te a pa'alɛ en, enŋa wan tara sɛla. 9Te a han dɛna la duŋa te se'em biŋe nɔɔrɛ te a bo Na'ayenɛ duŋsɛka te a bɔ'ɔra Na'ayenɛ la dela toolom bonɔ. 10A da nyɔkɛ duŋa la tee duŋa, a han nyɔkɛ duŋa la tee duŋa, ba toyi' la zan'an dela toolom bonɔ. 11Te duŋa la han dɛna la duŋsɛka n kiihi te a nyɔkɛ kaanbɛ bo Na'ayenɛ, a tare ka yɛ'ɛha la malemadaana la zan'an na. 12Te malemadaana la wan bahɛ duŋa ge pa'alɛ nɛre la wan yɔ' se'em. 13Te duŋa la daana han bɔta la a yɔto'e a wan yɔ duŋa la ligiri ge paahɛ porogere bonuu. 14Se'em han dekɛ a yire eŋɛ Na'ayenɛ nu'uhen, malema nɛŋadaana wan wa'ana behɛ dɛ ane se'em ge pa'alɛ dɛ n zone se'em. 15Te yire la daana han bɔta la a yɔto'e, a wan yɔ dɛ ligiri ge pa'ahɛ porogere bonuu. 16Se'em han dekɛ la a samanɛ eŋɛ Na'ayenɛ nu'uhen, ge han dekɛ bonbuura la pi'ɔ mi'ɛ bure, a wan yɔ la sanlema kpila pihinuu. 17Te a han dekɛ samanɛ la eŋɛ Na'ayenɛ nu'uhen, Peraa Iila Peebego saŋa la poan, a wan yɔ bala mea. 18Te Peraa Iila Peebego saŋa la han tole ge a dekɛ samanɛ la eŋɛ Na'ayenɛ nu'uhen malemadaana wan pa'alɛ n wan yɔ se'em ge te Peraa Iila Peebego saŋa le paɛ. 19Te samanɛ la daana han bɔta a yɔto'e, a wan yɔ dɛ ge pa'ahɛ porogere bonuu ge ba lebehe dekɛ bo en. 20Te a han ka yɔto'e samanɛ la ge dekɛ dɛ bo se'em, ba kan le yɔto'e dɛ. 21Te Peraa Iila Peebego saŋa han le ta paɛ samanɛ la dela Na'ayenɛ denɛ te malemadaana la nya sɔna. 22Bii a han da' la samanɛ ge dekɛ dɛ eŋɛ Na'ayenɛ nu'uhen, 23te malemadaana la wan pa'alɛ ligiri la wo Peraa Iila Peebego saŋa n ge se'em la paɛ la. Te a yɔ i de daarɛ la, te la dɛna Na'ayenɛ denɛ. 24Te Peraa Iila Peebego saŋa la poan la, a wan lebehe samanɛ bo dɛ daana. 25Te malemadoma n pa'alɛ ligiri la se'em te ba yɔɔra. Kpile yena zone mɛ la barega n pɔ'ɛ pihiyi'. 26Se'em da dekɛ nahɔ bii pehego n dɔgɛ sare sare eŋɛ Na'ayenɛ nu'uhen, te dunhe la pon dɛna Na'ayenɛ dene. 27Te duŋsɛka n dɛngerɔ te a nyɔkɛ kaanbɛ la duŋkaŋa ka a wan yɔto'e ge pa'ahɛ porogere bonuu. A han kan nyaŋɛ yɔto'e ba wan koohɛ ka bo se'em. 28Se'em han dekɛ nɛra, bii duŋa bii samanɛ eŋɛ Na'ayenɛ nu'uhen, a kan le yɔto'e bii a koohɛ, la dela Na'ayenɛ toolom bonɔ. 29Se'em te ba dekɛ bo Na'ayenɛ la ba seren wan ko' en. 30Te disɛka woo te ya kɛ samanɛ zuo bii tiihe wɔla dia, dia la pia porogerɛ bo'olom dela Na'ayenɛ toolom bonɔ. 31Hɔ han bɔta te hɔ da' hɔ pia porogerɛ la, hɔ wan pa'ahɛ ligiri porogerɛ bonuu bini. 32Ya dunhe pia han dɔgɛ, kayema dela Na'ayenɛ toolom bonɔ. 33Duŋa la ka tare yɔto'e bii teere, hɔ han nyɔkɛ duŋa tee ka ba bayi' la zan'an dela toolom bonɔ. 34Na'ayenɛ n bo Moses a nɔɔrɛ se'em Sinai Zoore zuo ha te a yele Israeldoma la n bala.

will be added

X\