Malema 18

1Te Na'ayenɛ tɔgɛ bo Moses yeti, 2Yele Israeldoma wa yeti, Mam n de Na'ayenɛ, ya Yenɛ. 3Da ete ya wo yan yuun kɛn'ɛre Mizraim teŋa eta se'em la. Ya da eta wo Kanaan teŋa la te n tare ya yɛ'a ka poan na la nɛreba n ete se'em la. Da tɔgɔhe ya ba etegɔ. 4Nane ya mam nɔze'elego la, ge ma'ɛn ya mɛŋa dɔla mam malema la. Mam n de Na'ayenɛ ya Yenɛ. 5Dole ya mam malema, la n nɔze'elego la. Se'em woo n nane wan vɔna aŋa n bote se'em la. Mam n de Na'ayenɛ. 6Nɛra da gan'arɛ la a sɔɔn. Mam n de Na'ayenɛ. 7Da nɛ ho sɔ soŋen. La dela zufagahom bo ho ma la. A dela ho ma, da nɛ a soŋen. 8Da nɛ ho sɔ pɔgɔsɛka soŋen. La dela zufagahom bo ho sɔ la. 9Da gan'arɛ ho tanya n de ho sɔ bii ho ma pɔyɔsɛka te a dɔgɛ zen'an, te ka kɛn'ɛra yire la poan bii zen'an ha. 10Da gan'arɛ ho dayɔa pɔyɔa, bii ho pɔyɔa pɔyɔa. La dela zufagahom bo ho. 11Da gan'arɛ ho sɔ pɔgɔsɛka n dɔgɛ pɔyɔa la ho sɔ la. Kaŋa dela ho tanya. 12Da nɛ ho pogɔŋora soŋen. Enŋa la ho sɔ dela ziim yemɔ. 13Da nɛ ho ma sɔɔn n de pɔka soŋen. Enŋa la ho ma la dela ziim yemɔ. 14Da nɛ ho sɔ sɔɔn, zegera te ho gan'arɛ a pɔga. Ka dela ho ma. 15Da nɛ ho bia pɔga. Ka dela ho dayɔa pɔga. Da gan'arɛ ka. 16Da nɛ ho sɔɔn pɔga soŋen. La dela zufagahom bo ho sɔɔn la. 17Da gan'arɛ pɔka la ka pɔyɔa. Da gan'arɛ pɔka la ka dayɔa pɔyɔa, bii ka pɔyɔa bia. Ba zan'an dela ziim yemɔ. La dela toonyaalega. 18Da di ho pɔga sɔɔn ba'ahɛ te a dɛna pɔgɔsarega te ho gan'an la ka, ge te ho pɔga la nan vɔna. 19Da nɛ pɔka n boe ka peere dɛngerɔ poan soŋen. 20Da gan'arɛ la ho tadaana pɔga, ganlom ho mɛŋa la ka. 21Da dekɛ ho bisɛka kaanbɛ bo Molek bagarɛ la. Da makɛ ya dɛngɛ ya Yenɛ la yu'urɛ. Mam n de Na'ayenɛ. 22Da gan'arɛ boraa wo a dela pɔka. La dela yelefɛn'ɛherɛ. 23Da zom duŋa ganlom ho mɛŋa la ka. Pɔka da dekɛ ka mɛŋa bo duŋa te ka zom en. La dela kumpiinɔ. 24Da ganlom ya mɛhe la yele ana wa. Se'ere n sɔe la teŋse'ehe woo te n yeti n sa'ahɛ ba ya ninin wa n ganlom ba mɛha la yelese'a n bala. 25Ba toonfɛn'ɛha la ganlom teŋa la mɛ, te mam dekɛ namehegɔ bahɛ ka zuo na, te nɛre n kɛn'ɛre ka poan la zɔ yehe ka poan. 26Ge yamam, dɔle ya mam malema la n nɔze'elego la. Ya buuri la poan, la saana n kɛn'ɛre la ya, da makɛ tom toonyaalehe sena wa deyena. 27Se'ere n sɔe la, toon ana wa zan'an daa dela toonse'a te teŋse'ehe n gan' ya nɛŋa wa nɛreba tom, te teŋa la ganlom. 28Ya han ganlom teŋa la, ka wan zagahɛ ya wo kaŋa n zagahɛ ka mɛŋa nɛreba se'em la. 29Se'em woo n tom toonfɛn'ɛha ana wa deyema ya poan, ya ŋmaɛ n ya nɛreba poan bahɛ. 30Dole ya mam bote se'em la, ge da dole ya malema fɛn'ɛha n daa pon tona ge te yamam wa'ana wa. Da ganlom ya mɛhe la ba. Mam n de Na'ayenɛ, ya Yenɛ.

will be added

X\