Malema 12

1Te Na'ayenɛ tɔgɛ bo Moses yeti, 2Yele Israeldoma wa yeti, Pɔka han dɔgɛ bodibila, a malema ganleŋɔ dabeha dela dabeha ayopɔe, wo a peere n ne ganlom en dabeha se'em la. 3Dabeha anii daarɛ ya ŋma bia la. 4Pɔka la gu'uhe paɛ dabeha pihitan' la atan', malom a pɔgɔdɔgohom ziim ka'arɛ malema la ba'ahɛ. A da kalom toolom lɔgɔseko bii keŋɛ toolom deo la poan, gura te a pɔgɔdɔgohom malema dabeha la ta ba'ahɛ. 5Pɔka han dɔgɛ pugula, a malema ganleŋɔ dabeha dela dabeha pia la anaahe, wo a peere n ne ganlom en dabeha se'em la. Ge te ka gu'uhe dabeha pihiyoobe la ayoobe, malom a pɔgɔdɔgohom ziim ka'arɛ malema ba'ahɛ. 6Pɔka han malom ka bibodibila bii pugula pɔgɔdɔgohom malema dabeha ba'ahɛ, a tara pehego n de yuunɛ wa'an Sogorɛ nɔɔrɛn na bo malemadaana la te kaŋa dɛna nyɔ'an bo'olom. Ge tara nadoma dayene bii dayene, te la dɛna a be'em bo'olom. 7Malemadaana la wan to'e bo Na'ayenɛ, kaanbɛ be'em duuhego bo pɔka la, te ka ziim ka'ahegɔ ganleŋɔ la ba'ahɛ. Pa'alegɔ kona n boe bo pɔka n dɔgɛ bodibila bii pugula. 8Pɔka la han kan ta'an bo pehego, a tare dayɛma ayi' bii nadoma dayɛma ayi' na. Te deyema dɛna nyɔ'an bo'olom, te deyema dɛna be'em bo'olom. Bala te malemadaana la n wan duuhe pɔka la be'em te a ka tare dɛngerɔ Na'ayenɛ nɛŋa.

will be added

X\