Kema 17

1Boraa kayema yuun n boe teŋsɛka n yage zoore zuo bɔna Epraim teŋa la te ka yu'urɛ dɛna Mikah. 2A yele a ma yeti, Sanlenpeelega kpila tuhure la kɔbega la n bɔrege te ho ka nyɛ' ge pɔta la, mam n dekɛ, la boe la mam zen'an. Te a ma la lebehe yeti, Na'ayenɛ kan' som bahɛ n bia wa zuo. 3En tare sanlenpeelega kpila tuhure la kɔbega la lebena bo a ma, te a ma yele en yeti, Mam dekɛ sanlenpeelega ta zan'an eŋɛ Na'ayenɛ nu'uhen, te n bia yagom bagarɛ. Nananawa n wan lebehe ba bo. 4Te n lebehe sanlenpeelega la bo a ma la, te a to'e, loe sanlenpeelega kpila kɔbehe seyi' ta bo kuta te a kure te ba dɛna bagarɛ, te ba tare ta ze'ele Mikah yire. 5Mikah mɛ' la bagarɛ ge loe a dayɔa kayema, pɛ' fugiriga bo en te a sɔna baga la malemadaana. 6Saŋkaŋa la poan la, te naba ka boe Israel teŋa la poan, te nɛre woo eta enŋa n bote se'em. 7Levi bodibila kayema n kɛn'ɛra Betlehem teŋa la n boe Yuda teŋai la n yehe Yuda yizuo poan, 8ze'ele Betlehem yɛhe ɛɛra la teŋsɛka te a kɛn'. A keŋɛ na wa paɛ Mikah yire n boe zoore zuo bɔna Epraim teŋa la poan la. 9Mikah sokɛ en yeti, Ho yɛhe la bɛha? Te a lebehe en yeti, Mam dɛna Levi nɛra ze'ele la Betlehem n boe Yuda teŋa poan eere la zen'en te n bɔna. 10Mikah lebehe en yeti, Bɔna mam yiren wa la ho dɛna n sɔ ge dɛna n malemadaana te n wan bɔ'ɔra hɔ sanlenpeele kpila pia yuunɛ wo' la futo ge diiha hɔ. 11Te Levi nɛre wa sakɛ te enŋa le boraa wa naa taaba bɔna wo nɛra la dayɔa la. 12Mikah nya bo Levi nɛra wa sɔrɔɔ te a dɛna malemadaana ge la a kɛn'ɛra a yire la poan. 13Te Mikah yeti, Nananawa n mi te Na'ayenɛ wan bo mam lɔgɔrɔ, n tare la Levi nɛra dɛna n malemadaana la zuo.

will be added

X\