Yosua 2

1Te Nun dayɔa Yosua tom vɛɛhereba bayi' te ba ze'ele Sitim zen'an baanlam te ba te ba kae teŋa la behɛ, zen'an n pon ba' mɔ'ɛ nini dela Yeriko teŋa. Te ban keŋɛ ta paɛ teŋa la poan, ba kɛn' yiyɛa te ba yi'ira Arahab yire poan bɔna. 2Te nɛreba ta waaɛ Yeriko naba yeti, Behɛ, Israel nɛreba la basɛba n le'ehɛ kɛn' teŋa wa poan yu'uŋɔ wa na te ba veehe ka poan behɛ. 3Te Yeriko naba tom sɔɔleŋa bo Arahab ha yeti, Tare nɛreba la n wa'ana kɛn' ho yire la na. Ba dela vɛɛhereba n wa'ana te ba doohe veehe to teŋa wa zan'an behɛ. 4Te pɔka la me daa sogɛ boraahe seyi' la. Ge te a yele ba yeti, La dela sera, boraahe seyi' seren wa'an mam zen'an na ge mam pon ka mina senhe n ze'ele zen'an na. 5Zaanɔɔrɛ wo se'em ma'an te ba ne yu' teŋa wa nayaŋa la te se daa yehe. Mam me pon ka behɛ senhe n doohe sose'ere. Kɔ'ɔn tabela ya se poore. Ya ta'an ta gin' se sore. 6Ge bala ma'an te a daa tare ba zom la a gɔhɔgɔ ta dekɛ kenkanya pin' ba. 7Te naba nɛreba la yehe dekɛ sose'ere n dole yɛ'a Yordan Kolaa. Ban tole ba'ahɛ la, ba kɔ'ɔn lebehe yu' teŋa la nayaŋa la mɛ. 8Gan'aregɔ saŋa, te pɔka wa zom vɛɛhereba wa zen'an, 9yele ba yeti, Mam mi' te Na'ayenɛ dekɛ teŋa wa eŋɛ la ya nu'uhen te ya yele dabeem kantɛ n kɛn' to te nɛra woo n boe teŋa wa poan kɔ'ɔn pabegɛ mɛ la ya. 10To wom te se'em ma'an te ya yehe Mizraim teŋa poan kena na la, Na'ayenɛ n bahɛ te Mɔgɔ Mɔlega ko'om la yelege boyi' te ya nɛ kɛ'ɛŋa tole se'em. To wom yan eŋɛ Sihon la Og n Amori nadoma bayi' n boe Yordan dapɔya bɔba te ya kɔ'ɔn sagom ba zan'an la se'em la. 11Tomam ta wona yele ana wa la, nɛra woo puurɛ ma'ɛn mɛ te to giinla kɔ'ɔhɛ zan'an la ya. Se'ere n sɔe la Na'ayenɛ ya Yenɛ la n de saazuo la teŋparɛ wa zuo Yenɛ. 12Bala, pɔ' ya ya Na'ayenɛ wa te ya wan ta eŋɛ mam la n yiredoma som wo mam eŋɛ ya som se'em wa. Pa'alɛ ya mam danlehom, 13te ya wan bahɛ n sɔ la n ma la n tanpa la n yebehe la se'em woo n de mam nɛra yele ya mam te ya kan ta lagom ko to. 14Te boraahe lebehe en yeti, Dekɛ ya to vom te bo dɛna ya vom. Ho han ka yele nɛreba tomam to ete sɛla, Na'ayenɛ n ta dekɛ zen'an wa eŋɛ to nu'uhen, tomam wan seren eŋɛ ho soŋa. 15Te a dekɛ mi'an lo' doohe a takole poan bahɛ te ba yule sige na. Se'ere n sɔe, a bɔ'ɔ la mɛ naɛ mɛ la dangoone se'ere n mɛ kae teŋa la. 16Te a daa pa'alɛ ba yeti, Keŋɛ ya zom zɔya wa zuo ha te sɛba n digere ya la da to'ohɛ ya. Ta sogɛ ya bilam gura dabeha atan' daarɛ, te ban lebena teŋa la, ya nya keŋɛ. 17Te ba lebehe en yeti, Nɔse'ere te ho bahɛ te to pɔ' wa kan dɔla tomam, 18han dagɛna to han kɛn' teŋa wa poan, ho lo' pa'anɛ mɔlɔgɔ wa yule ho takole wa te to doohe de poan yehe wa ge tara ho sɔ la ho ma la ho tanpa la ho yire nɛreba zan'an na kɛn'ɛhɛ ho bɔ'ɔ wa poan. 19Se'em han yehe ho yire la poan ta ɛɛra yeŋa, a ziim ka'arɛ taalɛ ka dole tomam. Ge se'em n boe ho yire wa poan, ge te se'em dekɛ a nu'o kalom en, a taalɛ dole la tomam. 20Ho han le ko'ohe tomam n ete sɛla wa, nɔse'ere te tomam la hom pɔ' wa kan tom. 21Te pɔka la lebehe yeti, Mam sakɛ ya. Bahɛ ya te la ana wo yamam n yele se'em la. Te a bahɛ ba te ba keŋɛ. Ge te a nyure pan'anɛ la gim yule a takole la nɔɔrɛn. 22Te ban ze'ele bilam ba keŋɛ zom zɔya la zuo ha dabeha atan' te sɛba n zɔ doohe sore la zuo digera ba la, ɛ ba koŋe, ge lebe zaŋa na. 23Te boraahe seyi' wa nya keŋɛ lebe ba teŋa. Ba daa ze'ele zɔya la zuo soregɛ sige doohe la kolaa sore la, nya wa'ana paɛ Nun dayɔa Yosua zen'an nya yele en sɛla woo n eŋɛ ba. 24Ba yele Yosua yeti, Na'ayenɛ seren kɔ'ɔn dekɛ teŋa la zan'an eŋɛ la to nu'uhen. Nɛreba la zan'an kɔ'ɔn pabegɛ mɛ la to.

will be added

X\