Yosua 16

1Yosef tɔntɛ pɔhɛ la Yeriko teŋa Yordan Kolaa la nɔɔrɛn dapɔya bɔba, doohe zom teŋpɔgɔtia la poan ta kɛn' Betel teŋa la n yage zoore zuo la, 2ze'ele Betel n de Luz ta yakɛ kɛn' Arkdoma teŋa n boe Atarot teŋa, 3zulige sige Yapletdoma teŋa la nɛŋa bɔba ta paɛ Bet Horon teŋa nɔɔrɛ bɔba la ha tare ta paɛ Gezer ta du' ko'kantɛ la nɔɔrɛn. 4Te Manase la Epraim n de Yosef dayɔɔhe to'e ba sɔ'ɔlom. 5Epraim yizuo tɔntɛ yire yire n wana. Beene ze'ele la Atarot Adar n boe dapɔya bɔba ta paɛ zuin Bet Horon, 6tare bala ta du' ko'kantɛ la. Beene ze'ele Mikmetat zuɔ bɔba ŋmɛregɛ doohe Taanat Silo teŋa doohe Yanoa teŋa dapɔya la, 7ze'ele Yanoa teŋa zulige sige ta paɛ Atarot la Naara teŋhe ta paɛ Yeriko tare na yehe Yordan Kolaa la nɔɔrɛn. 8Te beene la le ze'ele Tapua teŋa tɔ nɛŋa bɔba ta paɛ Kanah Kolaa tare ta du' ko'kantɛ la nɔɔrɛn. Epraimdoma sɔ'ɔlom n bala tɔnrɛ bo ba yire yire. 9Teŋkanra se'ehe la se teŋbibihe se'ehe woo te ba pon loe se biŋe Epraimdoma la te se bɔna Manasedoma sɔ'ɔlom poan la pa'ahɛ bini mɛ. 10Ba ka nyaŋɛ dige Kanaandoma la n kɛn'ɛre Gezer teŋa poan la. Te Kanaandoma wa kelom kɛn'ɛra bini la Epraimdoma wa la zina, ge ba toonɛ dela ba tona toonkanra bɔ'ɔra Epraimdoma la.

will be added

X\