Yosua 14

1Zen'sena te Eleazar n de malemadaana la Nun dayɔa Yosua la Israel yizuto keendoma la tɔnrɛ bo Israeldoma la Kanaan teŋa poan te se dɛna ba sɔ'ɔlom. 2Ba ŋmɛ' la gbaŋa tɔnrɛ sɔ'ɔlom la bo Israeldoma towae' la liiberɛ deyema yizuto la wo Na'ayenɛ n bo Moses a nɔɔrɛ se'em la. 3Moses pon bo yizuto toyi' la liiberɛ deyema la yizuto sɔ'ɔlom mɛ Yordan dapɔya bɔba ha, ge a ka bo Levidoma la n boe la ba la sɔ'ɔlom. 4Se'ere n sɔe Yosef yizuo la wa yelege dɛna la sugumnɔɔren boyi', Manase la Epraim. Levidoma la ka lagom to'e teŋa la tɔntɛ, ge ba bo ba la teŋkanra se'ehe poan te ba wan kɛn'ɛra la bɔn'ɔrɔ seto te yaama bɔna bini te ba piihe la ba nii wan ɔbera. 5Israeldoma wa tɔnrɛ teŋa la mɛ ma'an ma'an bo ba mɛhe wo Na'ayenɛ n bo Moses a nɔɔrɛ se'em la. 6Te Yuda boraahe ihege keŋɛ Yosua zen'en Gilgal teŋa te Yepune n de Kenizdoma dayɔa Kaleb la yele en yeti, Ho mi' Na'ayenɛ n yele a Yenɛ nɛra Moses se'em doohe mam la hom poan se'em ma'an te to wa bɔna Kades Barnea teŋa poan la. 7Mam daa dela yuuma pihinaahe ge te Na'ayenɛ yameŋa Moses tom mam te n ze'ele Kades Barnea te n keŋɛ ta kae teŋa la behɛ. Te n lebena yele en mam suunre n tare se'ere. 8Ge te mam sɔɔnrɔ seto n lagom doohe la mam zom teŋa la zuo ha la lebe na bahɛ te dabeem kɛn' nɛreba la. Mam dela se'em n doohe Na'ayenɛ mam Yenɛ la n suunre zan'an. 9Bala te Moses pɔ' de daarɛ la yele mam yeti, teŋsɛka te ho na'ma nɛ ka zuo woo wan dɛna hom la ho kɔma sɔ'ɔlom yɛ'ɛha, la hom n doohe Na'ayenɛ mam Yenɛ la la ho suunre zan'an la zuo. 10Bala wo Na'ayenɛ n biŋe a nɔɔrɛ se'em la, a gura mam vom tara tara la yuuma pihinaahe la anuu zina. Se'em ma'an te Israeldoma daa bɔna pɔgɔtia ha tuuna la te a tɔgɛ wana wa bo Moses. Mam kelom wana zina tare yuuma pihinii la anuu. 11N me kɔ'ɔn kelom kpe'em la bala wo mam yuum kpe'em se'em, se'em ma'an te Moses daa tom ma la. N kelom kpe'em la bala wan ta'an tɛn pɛɛma wo mam yuum tɛɛnre a se'em la. 12Bala, dekɛ teŋsɛka n yage zoore zuo wa bo mam wo Na'ayenɛ n pon biŋe nɔɔrɛ bo mam se'em la. Ya mɛhe wom te Anakdoma la n boe ka poan, te ka tara teŋkanra n mɛ kɛn'ɛhɛ kɛn'ɛhɛ. Ge Na'ayenɛ n soŋorɛ mam la zuo n wan dige ba te ba yehe bini wo enŋa n yele se'em la. 13Te Yosua kan' Yepune dayɔa Kaleb ge dekɛ Hebron teŋa bo en te ka dɛne a sɔ'ɔlom. 14Bala te Hebron dɛna Kenizdoma Yepune dayɔa Kaleb sɔ'ɔlom la zina, la enŋa n doohe Na'ayenɛ Israel Yenɛ la la a suunre zan'an la zuo. 15Hebron wa yu'urɛ daa dela Kiriat Arba. Ba dekɛ teŋa wa segɛ la Kiriat boraa kayema n kpe'em bɔna Anakdoma wa poan te ka yu'urɛ dɛna Arba. Yehe bilam, zaba ka le bɔna teŋa la poan.

will be added

X\