Yosua 13

1Yosua n ta korogɛ te a yuuma zo'e gaŋɛ, Na'ayenɛ yele en yeti, Ho nya ba' korogɛ mɛ ge te teŋkanra kelom bɔna tara zen'kanra te ya nan ka to'ohɛ. 2Zen'se'ehe n gee dela Pilistia sɔ'ɔlom la Gesurdoma teŋhe la zan'an. 3La zɛ'ɛta Sihor Kolaa la, Mizraim dapɔya bɔba ha, kɛn'ɛra Ekron sɔ'ɔlom la poan zuɔ bɔba la. Zen'sena woo dela Kanaandoma la sɔ'ɔlom, te Pilistia nadoma banuu la n boe Gaza la Asdod la Askelon la Gat la Ekron n de Avidoma sɔ'ɔlom la beha la. 4La me zɛ'ɛta gɔbega bɔba na Kanaandoma teŋa la zan'an, ze'ele Arah n boe Sidondoma teŋa poan la, tara tara ta paɛ Apek n de Amoridoma sɔ'ɔlom la, 5ta' Gebaldoma zen'an la Lebanon zan'an lɛbera dapɔya bɔba ze'ele Baal Gad sigera Hermon Zoore tare ta paɛ Lebo Hamat. 6Han dɛna sɛba woo n boe ge sɔna zɔya zuto teŋhe la ze'ele Lebanon ta paɛ Misrepot Maim n de Sidondoma zen'an la zan'an la, mam mɛŋa wan dige ba Israeldoma wa nɛŋan. Tɛnra soŋa, la ho ta dekɛ zen'kana wa bo Israeldoma te ka dɛna ba sɔ'ɔlom wo mam pa'alɛ ho se'em la 7ho tɔnrɛ ka bo yizuto towae' la Manase yizuo la deyema. 8Manase yizuo koyema la Areuben la Gad yizuto la pon daa deŋɛ to'e ba tɔntɛ la Moses zen'an Yordan dapɔya bɔba la ha wo Na'ayenɛ yameŋa Moses n daa tɔnrɛ ba se'em la. 9Ba daa tɔntɛ la ze'ele la Aroer n boe Arnon Kolaa la giŋgiliŋa la ta paɛ teŋsɛka n boe bɔn'ɔn la teŋasoka la paara teŋsɛka n boe Medeba kuŋkune zuo la tara bala ta paɛ Dibon 10la Amori naba Sihon n zin' Hesbon teŋa, ge beha teŋse'ehe woo la tara bala yehe Ammondoma beene la zuo. 11La lagom ta' Gilead teŋa la Gesur teŋa la Maaka ta ta' Hermon Zoore la Basan zan'an tare ta paɛ Saleka 12zen'se'ehe woo n de Basan naba Og n daa behere Astarot la Edrei teŋhe, ge enŋa n daa de Arepadoma nɛra se'em n nyaŋɛ pɛɛn. Moses n daa zabɛ nyaŋɛ ba fan' ba teŋa la. 13Ge Israeldoma daa ka dige Gesur la Maaka nɛreba la ba teŋhe la poan bahɛ ge te bama la Israeldoma la lagom bɔna tara tara la zina. 14Ge Levi yizuo la daa ka tare tɔntɛ dɛ'a la nyɔ'an bo'olom te bama nyɔ'anra bɔ'ɔra Na'ayenɛ Israel Yenɛ la n de ba tɔntɛ wo n pon biŋe a nɔɔrɛ se'em bo ba la. 15Moses n daa tɔnrɛ sɛla bo Areubendoma ba yire yire dela 16Aroer n boe Arnon Kolaa la giŋgiliŋa la teŋsɛka n boe kolaa la teŋasoka ta paɛ Medeba kuŋkune zuo teŋa la 17ta ta' Hesbon la teŋse'ehe woo n boe kuŋkune zuo la Dibon la Bamot Baal la Bet Baal Meon la 18Yahaz la Kedemot la Mepaat la 19Kiriataim la Sibma la Zeret Sahar n nyage zoore se'ere n boe bɔn'ɔn poan la 20Bet Peor la Pisga zuluŋa la Bet Yesimot la 21teŋse'ehe n boe kuŋkune zuo la zan'an la Amori naba Sihon n sɔe Hesbon teŋa behera la sɔ'ɔlom la zan'an. Moses daa zabɛ nyaŋɛ naba kana wa mɛ la Midian nadoma la zan'an. Evi la Arekem la Zur la Hur la Areba n de nabiihe bɔna la Sihon la n boe teŋkana wa poan la. 22Pɛɛntɛɛnrɛ poan te Israeldoma lagom ko Beor dayɔa Balaam la n behere bɔ'ɔra la. 23Areubendoma la beene dela Yordan Kolaa nɛŋa na. Teŋhe sena wa la se teŋbibihe dela Areubendoma la denɛ te ba tɔnrɛ ba yire yire. 24Sɛla te Moses n daa tɔnrɛ bo Gaddoma la ba yire yire n wana. 25A bo ba la Yazer teŋa la Gilead teŋkanra la zan'an la poregɛ Ammondoma teŋa la zenzemɔ tara tara ta du' Aroer teŋa n lɛm Araba la 26ze'ele Hesbon ta paɛ Aramat Mizpa la Betonim la ze'ele Mahanaim ta paɛ Debir teŋa la 27Bet Haram bɔn'ɔn la Bet Nimra la Sukot la Zapon la zen'sɛka woo n de Hesbon naba Sihon sɔ'ɔlom zan'an. Yordan dapɔya bɔba te teŋa gan'an ta paɛ Kineret la. 28Teŋhe sena wa la se teŋbibihe la zan'an dekɛ bo la Gaddoma la ba yire yire te la dɛna ba denɛ. 29Sɛla te Moses n daa dekɛ bo Manase yizuo koyema la n de Manase yaahe la n wana. 30Zen'an n ze'ele Mahanaim dekɛ bala ta ta' Basan la sɛla woo n de Basan naba Og sɔ'ɔlom la zan'an la Yairdoma teŋhe la n boe Basan teŋa poan la zan'an, teŋhe pihiyoobe, la 31Gilead teŋa zenzemɔ la Astarot la Edrei teŋhe la n de Basan naba Og teŋkanra la. Teŋhe sena wa tɔnrɛ bo la Manase yizuto koyema dayɔa Makir yaahe la ba yire ba yire. 32Sɔ'ɔlom bona te Moses pon daa deŋɛ dekɛ bo ba, se'em ma'an te a daa bɔna Moab paberɛ Yordan yakenɛ Yeriko dapɔya bɔba ha la. 33Ge Moses daa ka bo Levi yizuo la sɔ'ɔlom. Se'ere n sɔe la, Na'ayenɛ Israel Yenɛ la de ba sɔ'ɔlom wo a daa biŋe a nɔɔrɛ la ba se'em la.

will be added

X\