1 Nadoma bana n daa sɔe teŋhe la n boe Yordan dapɔya bɔba te Israeldoma zabɛ nyaŋɛ se la, ze'ele Arnon Kolaa la poan ta paɛ Hermon Zoore la dekɛ ta'ara Arabah pɔgɔtia la dapɔya bɔba ha la zan'an: 2 Amori naba Sihon n boe Hesbon teŋa sɔna Aroer ta paɛ Arnon Kolaa la giŋgiliŋa la ta paɛ Yabok Kolaa la n beem Ammondoma la ta'ara Gilead teŋa zenzemɔ. 3 Enŋa sɔna Arabah la dapɔya bɔba la ze'ele Kineret Mɔgɔrɛ la nɔɔrɛn ta paɛ Arabah Mɔgɔrɛ n de Yaarom Mɔgɔrɛ la, ta paɛ Bet Yesimot la Pisga kuŋkuma gɔbega nu'o zuligere teŋhe la. 4 Basan naba Og n de Arepadoma n gee me sɔna la Astarot la Edrei teŋhe. 5 Enŋa sɔna Hermon Zoore la Saleka la Basan teŋa beene ta du'ura Gesur la Maaka teŋa nɛreba beene ge poregɛ Gilead teŋa zenzemɔ tare ta du' Hesbon naba Sihon beene. 6 Na'ayenɛ yameŋa Moses la Israel nɛreba n zabɛ nyaŋɛ ba. Te Na'ayenɛ yameŋa Moses tɔnrɛ ba teŋa la bo Areubendoma la Gaddoma la Manasedoma yizuto koyema te se dɛna ba sɔ'ɔlom. 7 Nadoma bana n daa sɔe teŋhe la n boe Yordan nɛŋa bɔba te Yosua la Israel nɛreba zabɛ nyaŋɛ ba ge Yosua tɔnrɛ ba teŋhe la bo la Israeldoma la yizuo yizuo la ze'ele Baal Gad teŋa n boe Lebanon Bɔn'ɔn ta paɛ Halak Zoore n tɔ' Seir Zoore la. 8 Teŋse'ehe dela teŋhe n yage zoore zuo la teŋhe n boe zoore tilain bɔna nɛŋa bɔba la Arabah teŋhe la zoore zuluŋa teŋhe la pɔgɔtia la Negev n boe gɔbega nu'o bɔba teŋhe. Bana dela la Hitidoma la Amoridoma la Kanaandoma la Perizidoma la Hivdoma la Yebusdoma teŋhe la: 9 Yeriko naba la Ai naba n lɛm la Betel la 10 Yerusalem naba la Hebron naba la 11 Yarmut naba la Lakis naba la 12 Eglon naba la Gezer naba la 13 Debir naba la Geder naba la 14 Horma naba la Arad naba la 15 Libna naba la Adulam naba la 16 Makeda naba la Betel naba la 17 Tapua naba la Heper naba la 18 Apek naba la Lasaron naba la 19 Madon naba la Hazor naba la 20 Simron Meron naba la Aksap naba la 21 Taanak naba la Megido naba la 22 Kedes naba la Yokneam naba n boe Karmel la 23 Dor naba n boe Napot Dor la Goyim naba n boe Gilgal la 24 Tirza naba. Ba zan'an dela nadoma pihitan' la ayena.
