Yona 3

1Te Na'ayenɛ yetɔgom wa'an Yona zen'an sugumnɔɔren boyi' poan na yeti, 2Keŋɛ Nineveh teŋkantɛ wa poan ta mɔɔlɛ mam bo ho yeleho sebo la. 3Te Yona nam Na'ayenɛ nɔɔrɛ la, keŋɛ Nineveh teŋa poan. Nineveh teŋa wa dela teŋkantɛ, te dabeha atan' kenɛ n ta'an kae ka mum. 4Te Yona kɛn' teŋa la poan keŋɛ dabaherɛ mune, kena ge mɔɔla yeti, Dabeha pihinaahe daarɛ Na'ayenɛ wan sagom Nineveh teŋa wa. 5Te Nineveh teŋadoma la sakɛ bo Yenɛ, soolom te nɛra woo, pɔhera nɛre zure ta paara taroma, zagahɛ ba mɛhe la yɛ sunsagaŋɔ futo. 6Yele la n ta paɛ Nineveh naba mɛŋa nɛŋan la, a ihege a na'am gɔŋɔ la poan mɛ, yɛɛhɛ a na'am futo, ge tee futo yɛ zin'an teŋa. 7Ge tom sɔɔleŋa te ka paɛ Nineveh nɛreba zan'an yeti, Naba la a keendoma yeti, asaala woo, bii duŋa, nahɔ bii pehego da pin'e sɛla le'ehɛ a nɔɔrɛn. Ko'om da nyu', bii ba di dia. 8Asaala woo la duŋa woo sunsagaŋɔ futo. Nɛra woo sohɛ Yenɛ, ge bahɛ a be'em la zaba tooma la. 9Daanse'ere Yenɛ wan tee a potɛn'ɛrɛ, zɔ to ninbɔn'ɔn, ge pakɛ a sunsunyiim wa to zuo te to da mɛlom. 10Yenɛ n sure nyɛ nɛreba la n eŋɛ se'em la, ban tee ba mɛhe ba be'em la poan se'em la, a zɔ ba ninbɔn'ɔn mɛ, ge gu' sagaŋɔ la te a maahom te a dekɛ sagom ba la.

will be added

X\