Yona 2

1Yona bɔna ko'om poan bonsɛla la poorɛn ge sohɛ Na'ayenɛ. 2A sohɛ yeti, Mam boe la sunsagaŋɔ poan ge sohɛ Na'ayenɛ, te a lerege mam. Mam boe la yɔɔ poan teŋa teŋa ha ge sohɛ soŋorɛ, te hom kelehe mam. 3Hom n zan'ɛn mam bahɛ ko'kantɛ poan teŋa teŋa ha, te ko'om la kae mam mum, te ko'mi'inhe ŋmɛ'ɛra mam kaara. 4Te mam tɛn'ɛhɛ te n kan le ze'ele hom Na'ayenɛ nɛŋan ge n kan le nyɛ ho Toolom Yire la yɛ'ɛha. 5Ko'om sebo n kae mam mum la vuunhe mam mɛ, te mam muhe bo poan ha sige teŋa teŋa ha, te ko'om poan mɔɔ vile mam zuo wa kae. 6Mam sige la zɔya wa tilin tilin ha, te teŋa la pin' mam bahɛ poan poan ha. Ge te hom Na'ayenɛ n de Yenɛ wa le dekɛ mam vom yɔɔ wa poan dooe. 7Mam vom la n ta feta la, mam tɛnre hom Na'ayenɛ yele mɛ, te n sohoga zom paɛ hɔ, ho bɔŋa zen'an la. 8Sɛba n lo' ba mɛhe tabelɛ baga la ka to'ore ho zo'ohogɔ. 9Ge mam wan dekɛ la pɛnka yooma bo hom. Mam biŋe nɔɔrɛ te n eŋɛ se'em la, n wan eŋɛ de soŋa. Faanrɛ ze'ete la Na'ayenɛ zen'an na. 10Te Na'ayenɛ bahɛ te ko'om poan bonsɛla la tare Yona keŋɛ doone ha ta okɛ en bahɛ doone la ha.

will be added

X\