Yoel 3

1Dabeha aŋa la saŋkaŋa poan, n wan malom sɛ Yuda la Yerusalem teŋhe. 2N wan kan'ahɛ teŋhe wa zan'an na, tare se sige Yehosapat paberɛ la poan. Bilam te n wan gankɛ ba doohe ete seko te ba eŋɛ mam sɔ'ɔlom la, mam nɛreba Israeldoma la. Bama n sa'ahɛ mam nɛreba la te ba yeregɛ ge te ba fan' mam teŋa la tɔnrɛ bo ba mɛhe. 3Ba ŋmɛ'ɛre la gbaŋa tɔnta mam nɛreba la, tara mam bodibinto tɛɛhena yalomdoma gan'an, ge kɔɔha mam pɔyɔɔhe tɔ'ɔha daam nyuura. 4Tire la Sidon teŋhe la Pilistia teŋhe wa, ya tare la bem la mam? Ya leregere mam la sanɛ? La han dɛna bala, n me wan lerege ya kalam, n wan lebehe dekɛ yelese'a te ya eŋɛ la bahɛ ya zuo. 5Yamam n fan' mam sanlenpeelega la sanlema la toolom lɔgɔrɔ la ta biŋe ya baga zoŋen. 6Yamam n koohe Yuda la Yerusalem teŋa bo Greekdoma, te la bahɛ te ba keŋɛ zaan ge bahɛ ba teŋa la. 7Behɛ ya, n wan bahɛ te ba ze'ele zen'an woo te ya koohe ba tehɛ la la paŋa na lerege yan toon se'em la. 8N wan dekɛ ya dayɔɔhe la pɔyɔɔhe eŋɛ Yudadoma nu'uhen, te ba koohe ba bo Shebadoma, teŋsɛka n zaan la ya. Na'ayenɛ yele se'em n bala. 9Mɔɔlɛ yele dena wa bo teŋhe. Maahom ya gura zaberɛ. Maahom ya pɛɛntɛɛnreba. Bahɛ te se pɛɛntɛɛnreba la yehe zabɛ. 10Dekɛ ya niikuya kure zaba so'ahe, ge dekɛ ya kɛɛrehe kure kana. Taroma woo yeti enŋa kpe'em mɛ. 11Teŋhe wa, lagahɛ ya mɛhe kalam na. Na'ayenɛ, tare ho pɛɛntɛɛnreba la na. 12Teŋhe wa, lagahɛ ya taaba wa'an Yehosapat paberɛ la poan na. Bilam te n wan zin'ire gankɛ teŋhe la. 13Maahom kɛɛrega la, kɛ'a saŋa paɛ ya. Nɔm ya diihe wɔla la ŋmɛkɛ daam. Daam boko la perɛ mɛ yabera. To diŋdoma be'em perɛ mɛ yabera. 14Nɛreba n zo'e ka tara kanlɛ n lagahɛ bɔna gankerɛ paberɛ la poan. Na'ayenɛ dabaherɛ la n ye'ehe gankerɛ paberɛ la poan na la pɔnre. 15Wontɛɛŋa la ŋmarega kan yehe na, ŋmarebibihe kan yehena. 16Na'ayenɛ boe la Zion zuo ha ge tanhɛ na, a boe la Yerusalem poan ge damɛ na, te saazuo la teŋparɛ wa zan'an miina. Ge Na'ayenɛ dela soka zen'an bo a nɛreba, a dela paŋa zen'an bo Israeldoma. 17Bala te ya wan baŋɛ te Na'ayenɛ ya Yenɛ la boe Zion n de a toolom zoore la zuo. Yerusalem teŋa wan dɛna toolom zen'an, saama kan le malom zabɛ la ka. 18De daarɛ, zɔya wan bula daam paalom, te zobibihe bula iilom, te Yuda bɔgɔhe zan'an zɔta la ko'om. Ko'niho wan ze'ele Na'ayenɛ yire la poan tanhe yehe na, zɔta bahera Sitim paberɛ la. 19Mizraim teŋa wan lebege daboo, te Edom teŋa lebege pɔgɔtia, la bama n zabɛ la Yuda teŋa nɛreba, ka'ahɛ ziim n ka tare taalɛ bahɛ ka poan la. 20Yuda wan malom mɛ' zɛ'a wuuha kan le lu, te Yerusalem zɛ'a bala buuri saŋa woo poan. 21N wan lerege ba diŋdoma n ka'ahɛ ba ziim yoo te n ka lerege ba la. Na'ayenɛ boe la Zion.

will be added

X\