Yoel 2

1Peebe tentanɛ Zion Zoore la zuo, kaahɛ tagurega mam fa'a zoore la zuo. Se'em woo n boe teŋa la poan, bahɛ te dabeem kɛn' hɔ. Na'ayenɛ dabaherɛ la pɔnre, 2de dela lika ma'an dabaherɛ, daanse'ere te saŋgbana la lika ma'an wan pin' gbarete. Daanden daarɛ, pɛɛntɛɛnreba n kpe'em wan pin' zoore la zuo sobege wo lika n pin' la. Pɛɛntɛɛnreba bana taaba ka tabelɛ bɔna, ba me pon kan le wa'an saŋsɛka poan na, han dagana yamam wa ma'an saŋa wa poan wa. 3Bugum kantɛ n boe ba nɛŋa dita te ba dɔla, ge bɔna ba pooren dita dɔla ba. Ba behere teŋa la te ka ana mɛ wo Eden va'am la bo ba, ge ba wan sagom ka zan'an te sɛsɛla kan bɔna ka poan wan zɔ peɛn ba. 4Ba zote wo yiri la. 5Te ba zɔta te la damena wo yiri toroto n zote damena se'em la, zɔna zɔya woo zuto, damena wo mɔen bugum n dite mɔɔ tanhera se'em la, ba ane wo pɛɛntɛɛnreba n bi'ihe ba mɛhe yɛ'a pɛɛnbɔn'en la. 6Teŋhe han nyɛ ba, se suunre ne sagom mɛ, te se nɛreba nɛhe sagom. 7Ba ban'ara dangɔɔma sigera wo pɛɛntɛɛnreba n ete se'em la. Tigihe taaba lagom kena, ka aanre lɛbera ke bii ke. 8Ba ka pete taaba zaberɛ poan, nɛra woo kene la tontɔɔ. Ba han aanra tɔla, sɛla ka gu'ura ba. 9Ba bibigere la bala kɛn'ɛra teŋkanra poohen, zɔta dangɔɔma zuto, sigera yiya poohen. Dɔla takɔla poohen sigera yiya poohen wo nayigehe la. 10Te teŋparɛ miim, te saazuo miina, te ŋmarega, la wontɛɛŋa sobege, te ŋmarebibihe ka nɛɛra. 11Na'ayenɛ n tanhɛ a pɛɛntɛɛnreba. Ba me zo'e mɛ ka tara kaanlɛ, ge nam Na'ayenɛ, te a bo ba kpe'eŋo te ba tom enŋa n bote se'em la. Dabaherɛ la dela dabeem la paleŋ'ɛnka dabaherɛ. Ane n wan ta'an ze'ele de daarɛ? 12Na'ayenɛ yeti, ge la bala zan'an, ŋmɛregɛ ya la ya suunre zan'an la ya zagahɛ ya mɛŋa la kɛlega, la fabelegɔ lebe n zen'an nananawa na. 13Da aanhom ya futo te ya pa'alɛ ya tuure, ton tee ya sunya wa'an n zen'an na. Ŋmɛregɛ ya lebe Na'ayenɛ ya Yenɛ la zen'an na. A dela zo'ohogɔ la ninbɔn'zɔrɛ daana, ka eta suunre tɔtɔ, tara nɔŋerɛ la etesoŋɔ en ka ka tare ba'ahegɔ, ka sagona nɛra suunre. 14Nɛra ka mi' daanse'ere a wan tee a potɛn'ɛrɛ, zɔ to ninbɔn'ɔn, ge kan' som bahɛ ya zuo te ya ta'an tara ki la daam bo'olom bɔ'ɔra Na'ayenɛ ya Yenɛ la. 15Peebe tentanɛ la Zion teŋa la poan, soolom te nɛreba woo zagahɛ ba mɛhe, ge lagahɛ toolom lagona. 16Lagahɛ nɛreba la, miihe lagaŋɔ la, lagahɛ kema la na, ge lagahɛ kɔma la kɔma woo n nan mɔgɔra bin'ihom na. Se'em woo n di pɔgɔsaaŋa, a bahɛ a pɔga la sɔnhega ge yehena, te pɔgɔsaaŋa woo me bahɛ bɔ'en gan'an ge yehe na. 17Bahɛ te malemadaana woo n boe Yenɛ Yire la poan tona la ze'ele kaanbegɔ daka la zen'an kele nintam man'aha. Ba kɛla yɛta to Na'ayenɛ, da sagom nɛreba wa. Da dekɛ kɛhega pagalɛ ho sɔ'ɔlom wa zuo te ba dɛna bonkɛhela bo teŋhe. Wane te nɛreba wan ta ya'ɛ ba nɔya soke yeti ba Yenɛ la bɛɛ? 18Na'ayenɛ nya wan nyuuna a teŋa la zuo, ge zɔ a nɛreba la ninbɔn'ɔn. 19Na'ayenɛ wan lebehe ba yeti, N wan bo ya ki la daam paalom la kaam, te la sekera ya yan bote se'em. N kan le malom dekɛ kɛhega pagalɛ ya zuo te ya dɛna bonkɛhela bo teŋhe. 20N wan sa'ahɛ pɛɛntɛɛnreba la n boe zuɔ la ta bahɛ pɔgɔtia poan ha, ge sa'ahɛ basɛba ta bahɛ dapɔya mɔgɔrɛ la poan ha. Ba wan ki zoolom zoolom, te ba nyuŋo ihegera zen'an woo. La dela sera te a tom yelekanra. 21Da zote ya dabeem teŋa wa doma wa, tare ya popeelom, ge kerene ya. Se'ere n sɔe la, Na'ayenɛ tone la yelekanra. 22Da zote ya dabeem mɔen dunhe wa, yaam man'aha puhure. Tiihe boe bini wɔna. Kenkanhe la tiihe wom mɛ velegɛ. 23Tare ya popeelom Zion nɛreba, kerene ya Na'ayenɛ ya Yenɛ la yu'urɛ poan. Se'ere n sɔe la, a bo ya sigisaahe, la fɔɔ saahe soŋa soŋa wo n yuun ne pon bɔ'ɔra se'em la. 24Ya dia tɔa zen'enhe yeti la perɛ mɛ la dia zaŋa, te dogorɔ perɛ la daam yabera, te ya sara perɛ la kaam. 25N wan lebehe yɔ ya yuun se'a dia te bonɛngela yuum obe la zan'an. Yuuma se'a te bonɛngela yuun wa'an yia na, te sɛba tagalɛ, te sɛba tagalɛ la. 26Ya wan tara dita tegera, ge pɛngera Na'ayenɛ ya Yenɛ la n tom nyalema, la kerehe bo ya la yu'urɛ la. Nyanɛ kan le di mam nɛreba wa. 27Bala te ya wan baŋɛ te mam boe ya teŋasoka, ge mina te mam n de Na'ayenɛ de ya Yenɛ la, ge yenɛ ka boe. Nyanɛ kan le di mam nɛreba wa. 28La kene na, te n wan ka'ɛ n sea bahɛ asaala woo zuo. Ya dayɔɔhe la pɔyɔɔhe wan pota sɛla n wan eŋɛ, ya bonkɛgehe zaanhena, te ya bonbilipaalehe nyɛta liligere. 29Dabeha aŋa poan n wan ka'ɛ n sea bahɛ borase'ehe la pɔgɔse'ehe woo n de yamehe zuo. 30N wan pa'alɛ n nyalema saazuo ha, la teŋparɛ wa zuo. Ziim la bugum la zun'sɔbelegɔ. 31Wontɛɛŋa wan sobege, te ŋmarega lebege ziim, ge te Na'ayenɛ dabaherɛ la n de dabeem la paleŋ'ɛnka dabaherɛ kantɛ la paɛ. 32Se'em woo n dole Na'ayenɛ yu'urɛ la wan nyɛ faanrɛ. Se'ere n sɔe la, faanrɛ wan bɔna Na'ayenɛ zoore la zuo, la Yerusalem poan wo Na'ayenɛ n yele se'em bo sɛba n dole en la.

will be added

X\