Yoel 1

1Na'ayenɛ yelehom n wana te Petuel dayɔa Yoel tɔgɛ. 2Keendoma wa, kelehe ya soŋa. Teŋa wa poan nɛreba wa, kelehe ya soŋa. Yan ihege na daarɛ, ya tabelɛ nyɛ te sɛla eŋɛ wo sɛla n eŋɛ wa? Bii ya sɔyaabdoma saŋa ha la, sɛla wana tabelɛ eŋɛ? 3Dekɛ ya yele wa yele ya kɔma, te bama me dekɛ yele ba kɔma, te ba kɔma la me dekɛ yele ba kɔma saŋsɛka n kene na la doma. 4Bonɛngela wan bibige na obe ya dia ge bahɛ, te basɛba me wa'ana gbirihe, ge bahɛ, te basɛba me wa'an pooren na nya kɔ'ɔn fige zan'an. 5Daambugureba wa, ihege ya kaahɛ, daanyuureba wa, kele ya koonɔ ya daam paalom la zuo, ya kan le nyɛ bɔ kalom ya nɔɔrɛn. 6Teŋa n kanregɛ, te ka nɛreba zo'e ka tara kanlɛ n wa'ana lure mam teŋa la, ka kpe'em mɛ, tara nyɛna te a dita wo mɔen baa nyɛna la, tara nu'ɛɛnhe wo gbegenyan'aŋa nu'ɛɛnhe la. 7Ka sagom mam tiihe va'am bahɛ mɛ, sagom ka poan kenkanhe, lagɛ se pɔgɔrɔ ge te se ku'e se tilain ta paɛ se zotehen. 8Kele wo pɔgɔsa'arɛ n ele de sera te a sera la ɛnkɛ lu te de kɛɛla se'em la. 9Boom la daam bo'olom ka le bɔna Na'ayenɛ yire la poan. Malemadoma la n tone Yenɛ yire la poan la ka le tona. 10Samana woo sagom mɛ, te teŋa ku'e, te dia ka maala. Daampaalom ka le kɔngera, kaam ka le sagona. 11Kaareba, bahɛ ya te ya sunya sagom. Boteba, kele ya bo ki' la mui sagom mɛ. 12Tiihe ku'e mɛ, te kenkanhe sagom. *Pomegranate la kpa'kpa' tiihe woo sagom mɛ, te tiihe zan'an ki. Yelemɛŋɛrɛ, nyɛlom ka boe. 13Malemadoma wa, yɛ ya sunsagaŋɔ futo la ya kele. Yamam sɛba n tone kaanbegɔ daka la zuo wa, kaahe ya mɛ. Yamam sɛba n boe Yenɛ nɛŋan tona wa, yɛ ya sunsagaŋɔ futo zin'ire yu'uŋɔ kele yelegɛ beere. Se'ere n sɔe la, ya kan le tara boom bo'olom la daam bo'olom kɛn' Yenɛ Yire la poan na. 14Soolom ya te nɛra woo zagahɛ ba mɛhe, lagahe ya toolom lagaŋɔ. Yi ya kema la teŋanbiihe zan'an lagahɛ Na'ayenɛ ya Yenɛ la Yire la poan na, la ya sohɛ Na'ayenɛ. 15Yele n kene na. Na'ayenɛ dabaherɛ la pɔnrɛ, de dela sagaŋɔ dabaherɛ n ze'ele Gaŋɛ Zan'an Yenɛ la mɛŋa zen'an na. 16Dagɛ ya ninin te ya ka le kɔɔra nyɛta dia? Dagɛ ya ninin te popeelom la sunma'ahom kele bɔna Yenɛ teŋa la poan wo lan yuun boe se'em la? 17Ya ki ka le eta ki soma, ba ete la ki vagela. Ba wan aanhom zen'se'ehe te ya tara ya dia biŋera bini la bahɛ, ge wɔnrɛ ya nɛya la me bahɛ. Se'ere n sɔe la ki ka le bɔna te ya wan nɛɛm. 18Ya nii wan oolena, te ya dunhe la zan'an ɛɛra nyanra, te ya piihe namehera. Se'ere n sɔe la, ba kan nyɛ yaama obe. 19Na'ayenɛ, mam yi'ire la hom, bugum n taɛ te bɔn'ɔrɔ la dita, ge taɛ to tiihe n boe te teŋa la poan la zan'an dita. 20La mɔ'ɛ me te mɔen dunhe kɛla ɛɛra hɔ. Se'ere n sɔe la kolega ka le bɔna te ko'om bɔna ka poan, bugum di yaama la woo n boe bɔn'ɔrɔ la zan'an poan me.

will be added

X\