Yob 6

1Te Yob lerege yeti, 2Mam sunsagaŋɔ wa, la n nɔyalegerɛ wa han wan ta'an ne magahɛ ne behɛ, 3bo wan tebegɛ ne gaŋɛ tentɔnbin'ihegɔ n tebegɛ se'em la. Bala n sɔe te mam tɔgɔra ge ka tɛn'ɛha la. 4Gaŋɛ Zan'an Yenɛ la tɛn' mam mɛ, te mam sea nyuura a pɛɛma la yabega. Yenɛ dekɛ la paleŋ'ɛnka yɛla tuunle mam. 5Mɔɔen boŋa wan nyɛ yaama ɔbera ge kaaha? Bii lɔlega ɔbera yaama ge wuunlena? 6Sɛla n ka zan'anhom wan ta'an di ge te yaarom ka bɔna bini? Bii sama ko'om mɔle mɛ? 7Mam dia n ane se'em n bala. Mam konrehe ka boe ka poan. 8Mam han wan ta'an ne sohɛ mam bote sɛla, te Yenɛ seren wom ne, 9sakɛ ne wɔnregɛ ne mam bahɛ. Yenɛ han sakɛ ne zɛnkɛ a nu'o ŋmaɛ ne mam bahɛ. 10Wana n wan ma'ɛn ne mam suunre. Mam poorɛ wan pee ne la n iŋduma wa. Mam ka malom zagahɛ Fa'adaana wa yelehom. 11N paŋa dela kane te n wan ta'an zɛ'a gura? N ba'ahegɔ dela kone te n zɛ'a gura? 12Mam kpe'em paɛ kugure, bii nyɔgom mɛ? 13Yelemɛŋɛrɛ koberɛ ka le bɔna mam. N kan ta'an soŋɛ n mɛŋa. 14Se'em n kan eŋɛ som bo a zɔ, a ka zote Gaŋɛ Zan'an Yenɛ wa dabeem. 15Ge mam sɔɔnrɔ wa tom la pan'ahegɔ toonɛ wo bɔka ko'om la, perɛ paahɛ paahɛ ge la kan yuue la bon zɔ tole, 16ba ane wo bɔka en perɛ la saakuga la. 17Tuluga han wa'ana, ba wan nyɛlegɛ. Tuluga han paɛ ba, ba wan mɛlom. 18Mam ane wo yogoma n tue kɛn' pɔgɔtia poan ha ta bɔregɛ ki la. 19Teman yogoma doma wa limihe mɛ, te Sheba teŋa sɔrɔɔ keneba me tara potɛn'ɛrɛ te ba wan nyɛ ko'om yehena. 20Bama n nam ba mɛŋa se'em la zuo, te nyanɛ di ba. Ba paɛ bini na te la gɛnrɛ ba mɛ. 21Yamam wa ane la bala bo mam. Ya nyɛ mam nɔyalegerɛ la te dabeem n kɛn' ya. 22N sohɛ ya te ya bo mam sɛla? Bii ya yehe ya lɔgɔrɔ poan ta mu'e se'em bo mam? 23Bii n sohɛ ya te ya ta yɔ to'e mam se'em n muguhere mam la nu'uhen bahɛ? 24Pa'alɛ mam, ge n kelehe. Pa'alɛ mam te n baŋɛ mam tue se'ere. 25Yelemɛŋɛrɛ tɔe mɛ. Ge hom nyɔnŋa wa ete la bem? 26Hom tɛn'ɛhe yeti hom wan ta'an demehe mam, ge dekɛ lan wone mam te mam tɔgɔra se'em la te la lebege sabeeo? 27Hom dela se'em n ka zote keebega ninbɔn'ɔn, ge kɔɔha ho zɔ. 28Ge nananawa, pee suunre ge behɛ mam. N kan sakɛ parom ho nɛŋan. 29Bahɛ hom yeti se'em la. Da bahɛ te to tue, ge mam birikinte la kɔ'ɔn bɔna mɛ. 30Ponpɔrɔŋɔ n boe n nɔɔrɛn yoi? Mam nɔɔrɛ wa ka mi' yelemɛŋɛrɛ la ponpɔrɔŋɔ?

will be added

X\