Yob 4

1Te Teman boraa Elipaz lerege yeti, 2Se'em han yele ho se'ere la wan daam hɔ? Ge ane n wan nyaŋɛ sina wana kan tɔgɛ? 3Behɛ, hom n de se'em n pa'alɛ nɛreba, ge kpɛmehe taromdoma. 4Hom yetɔgom n sɛ sɛba n daa ka tan' zɛ'ɛta, te ba zɛ'a. Hom kpemehe sɛba na'ma n gbe'ere te ba zɛ'a. 5Ge lan nya sige hom zuo la, ho ka nyɛ suguru. Lan kalom ho la, ho suunre sagom mɛ. 6Hom paŋa dagɛ la hom zote Yenɛ la? Ho han dɛna birikina, ho kan tara potɛn'ɛrɛ? 7Nya tɛn'ɛhɛ behɛ, ane n ka tare taalɛ ge tabelɛ bahɛ yoo? Bii bɛha te ba ŋmaɛ nɛre tontɔɔdoma bahɛ? 8Mam nyɛ se'ere dela, sɛba n kɔɔre be'em samanɛ, bota daaŋɔ de zuo la, ba kɛ'ɛre la bala mea. 9Yenɛ ne han pebele ba fiin wa, ba ne mɛlom mɛ. A han tanhɛ a sunsunyiim la na, bo ne di ba mɛ. 10Gbegenɛ la wuunleŋɔ la, la de tanhega la, gbegenpaalega nyɛna la kɔ' ya. 11Gbegenpaŋa la n ka nyɛ sɛla wan nyɔkɛ la, de vibere mɛ, te de kɔma yerom zan'an. 12Kelehe, yele n wa'an mam zen'an na, mam toba n wom waahegɔ kona wa. 13Nɛresaaleba han ginha yu'uŋɔ, potɛn'ɛra, la liligere n kene ba zen'an na. 14Yele too n sige mam zuo na dɛna dabeem yele, de bahɛ te mam kɔnba n damena. 15Sabeeo n ŋmɛ' mam tole, te mam iŋa kɔnberɔ lɔbera. 16La ane la bala zɛ'a, ge mam kan nyaŋɛ pa'alɛ n ane se'em, Te la ana suram, te mam wom konkore te de yeti, 17Nɛresaaleba wan ta'an dɛna tontɔɔ Yenɛ nɛŋan? Nɛresaaleba wan ta'an dɛna fa'a ba maala wa nɛŋan? 18A ka nam a yamehe. A soŋoreba la tare tuure a nɛŋan mɛ. 19Ge sɛba n nya kɛn'ɛre tɔnɔ yiya poan, te ba ɛnberɛ dɛna tentɔnɔ wa, sɛba te kuŋa wan mɔgɛ wa nya dela bem? 20Ba ta'an ki' bolika bii zanɔɔrɛ. Ba dela sɛla sagaŋɔ n ka tɔe. 21Ba han ve'e ba vom mi'an la, zan'an en bala, ba kiiri mɛ yoo yoo.

will be added

X\