Yob 37

1Yele dena wa me bahɛ te mam paleŋa ɛngera. 2Kɛleha, kɛleha a konkore n tanhere se'em wo saa, te a nɔɔrɛ tɔgɔra te la damena se'em 3Yenɛ boe la saazuo ha, ge tom a bugum bahɛ teŋparɛ wa bɔbɔrɛ woo poan na. 4A tanhere mɛ la a na'am konkore la, a bahɛ te a konkore tanhɛ mɛ te bugum la nyagera. 5Yena tanhere mɛ la a koa la, ge tona kerehe se'a te tomam pon kan bɔkɛ. 6A ne yele saakuga yeti, Ni teŋparɛ zuo, ge yele saa me yeti, Ka'ɛ bahɛ teŋparɛ wa zuo. 7A ne gu' nɛresaala tooma mɛ te nɛra woo mina enŋa n ete sɛla. 8Te duuhe me tara soka zan'an ne kɛn' bini. 9Man'aherɛ n ze'ete a zen'an yɛhera na, te ɔɔrɔ zɛ'ɛta zuɔ bɔba kena na. 10Yenɛ vo'ohom ma'an ne bahɛ te ko'om gerɛ lebege kugure, ko'kantɛ ne gerɛ mɛ lebege kugure. 11Yenɛ n bahere te mɔ'ɔhɔgɔ bɔna saŋgbana poan, ge yelegera saŋgbana saa bugum poan. 12Yenɛ n bahɛ te saŋgbana wa ziira kaara, te ba tom enŋa n bote ba tom se'em la bo teŋparɛ wa zuo. 13Wana ta'an dɛna tobedɔnlegerɛ, bii a eŋɛ bo la a teŋa wa, bii a pa'ale la a nɔŋerɛ. 14Yob, wom bala. Bahɛ ge tɛn'ɛhɛ Yenɛ toonkerehe wa. 15Hom mi' Yenɛ n bo ba a nɔɔrɛ se'em ge ne bahɛ te a bugum nyagera a saŋgbana wa poan la? 16Hom mi' saŋgbana wa en dɛɛre se'em? Se'em n mi' zan'an la toonkerehe en bala. 17Teŋparɛ wa gɔbega bɔba sabeeo ma'an han ne lobe, hom futo ne ka zɔ tulugɛ mɛ? 18Hom n wan ta'an yeregɛ saŋgbanɛ wa wo Yenɛ eŋɛ se'em la, te de kpe'em wo kurugo beheŋa la? 19Pa'alɛ to tomam wan yele Yenɛ wa se'em. Tomam kan ta'an tɔgɛ la en, tomam n boe lika poan la zuo. 20Se'em n wan yele en te nɛra bote a tɔgɛ? Se'em boe bɔta te ba vole en? 21Bugum la han nyagɛ saazuo ha, se'em ka boe wan ta'an beha bɔ, se'em ma'an te sabeeo duuhe sɛla woo ge bahɛ bo la. 22Soŋa en ze'ele teŋa wa zuɔ bɔba wa'ana kae Yenɛ, te kpe'eŋo kae en tara dabeem. 23To ka nyɛte Gaŋɛ Zan'an Yenɛ wa, a kpe'em mɛ ge nara, ge me kan daana tontɔɔ vom bɔŋa. 24Bala, saaleba zote en mɛ. Yenɛ ka behɛ nyɛta sɛba n tɛn'ɛhe ba dela yamdoma la.

will be added

X\