Yob 35

1Te Elihu le pa'ahɛ yeti, 2La de ma'an te ho ze'ele Yenɛ nɛŋan yeti hom ka tare tuure? 3Ge hom soke yeti, N be'em daam hom la wane? Mam ka tone be'em la bene yɔɔrɔ te n nyɛ? 4Mam mɛŋa wan lerege hom la ho zɔdoma wa n boe la ho wa. 5Gorege behɛ saazuo, beha saŋgbana wa n boe ho zuin wa. 6Hom han tom be'em, ho eŋɛ Yenɛ la bem? Ho tuure han zo'e ho eŋɛ Yenɛ la bem? 7Ho han dɛna tontɔɔ, ho bo Yenɛ la bem, bii bene te Yenɛ to'e ho nu'uhen? 8Ho be'emtooma bo'ore la sɛba n ane wo hom la, te ho tontɔɔvom la me bɔ'ɔra asaala. 9Panhedoma la muguhe nɛreba gaŋɛ mɛ te ba kaaha baha na, kaahe ɛɛra soŋorɛ. 10Ge se'em ka soke yeti, ge Yenɛ se'ere n naam mam, ge bɔ'ɔra mam paŋa yu'uŋɔ la, 11Yenɛ se'ere n pa'ale tomam yam gana mɔen dunhe, ge bɔ'ɔra to yam gana niihe wa la bɛɛ? 12Ba kaahere la bala, ge a ka leregere be'emdoma la, ba pa'ale mɛŋa la zuo. 13Yelemɛŋɛrɛ, Yenɛ ka kelehe kaahe yooro, bii Gaŋɛ Zan'an Yenɛ wa kɛleha ba. 14Ge hom se'em nya yeti hom ka nyɛte en, ge hom dekɛ la ho yele la biŋe a nɛŋan ge gura en wa. 15Ge Yenɛ n ka tare sunsunyiim nameha nɛreba la, ge me ka sogora be'em la, 16Yob nyaŋɛ ya'ɛ a nɔɔrɛ tɔgɔra yetɔgɔyooro, malom tɔgɔra yelese'a n ka tare vɔnrɛ yɛ'ɛha.

will be added

X\