Yob 24

1Wane te gankerɛ saŋa woo ka bɔna Gaŋɛ Zan'an Yenɛ wa nu'uhen? Wane te sɛba n mi' en la ka mina a gankerɛ dabeha wa? 2Sɛba dite la kɔɔhe, faanra piihe. 3Ba fan' keebehe bonhe mɛ yɛ'a, ge to'ohe pɔkɔnpa lɔlehe, doohe la ban po'olɛ nɔɔrɛ ba wan bo sɛla la la zuo. 4Ba zan'are nahadoma mɛ sore zuo bahɛ, te teŋa wa zuo nahadoma zan'an sogɛ ba mɛhe. 5Nahedoma wa saaɛ la toonɛ woo poan, ɛɛra dia te ba bo ba kɔma, wo sanheŋa n boe pɔgɔtia poan ɛɛra dia se'em te ka bo ka kɔma la. 6Ba dole la nɛreba va'amen kɛɛra dunhe dia. Dɔla be'emdoma va'am poan yi'iha, 7Ba gan' yu'uŋɔ la beele ka yɛɛra fuo, ba ka tare sɛla n wan pile ɔɔrɔ saŋa. 8Te saahe ŋmɛ'ɛra ba zɔya zuto, te ba zɔ ta mike taaba lama tanhe te ba lili ba mɛhe. 9Be'emdoma wa basɛba ne fan' la keenbega bia te ka nan mɔgɔrɛ, ge faanra nahadoma kɔma, la nahadoma wa en po'olɛ nɔɔrɛ la zuo. 10Nahedoma wa eere la bala beele ka tara fuo wan pin' ba mɛhe, kɛɛra dia kpɛ'ɛndoma va'am poan, ge te kom tara ba. 11Sara kaam, ge ŋmɛkera daam, ge te ko' nyuunro koora ba, 12Teŋkantɛ la poan, nɛreba unhure mɛ ge kiira, te sɛba n pogolom kaahera bɔta soŋorɛ, ge Yenɛ ka kelehe ba sohoga. 13Be'emdoma bana wa dela sɛba n zabere la nɛɛhom la, ka bɔta sore la, ba ka dole nɛɛhom la. 14Nɛre koora la ihege la yu'uŋɔ, te a ko taromdoma, la nahadoma la, yu'uŋɔ a ne ana wo nayiga la. 15Yalomtooma daana ne gura la yu'uŋɔ, te a yeti, se'em kan nyɛ mam, ge eŋɛ a mɛŋa zugulam. 16Yu'uŋɔ, te nayiga lameta kɛn'ɛra yiya poan, te beere yiligɛ, te ba yu' ba mɛhe, ba ka bote ba nyɛta wontɛɛŋa. 17Lika gbarete n de bama zan'an nɛɛhom, se'ere n sɔe, bama la lika poan dabeem yɛla la dela zɔtɔ. 18Ko'om n dite be'emdaana, te a samanɛ kan maalɛ sɛla. A ka le kena a tiihe va'am poan. 19Warɛ, la tuluga n fɛn'ɛhe, saakuga ko'om se'em la, bala te kum wan fɛn'ɛhɛ be'emdoma la. 20Poorɛ se'ere n dɔgɛ ba la wan tamɛ ba yele, ge te ba zan'an bo zunzunya. Ba kan le tɛnra ba yele. Ban wan ŋmaɛ be'emdaana se'em n bala wo tia la bahɛ. 21Ba daane la kondɔgɔba, ge ka eta pɔkɔɔnrɛ som. 22Ge Yenɛ n ve'ere panhedoma mɛ baha na, la a paŋa. Yenɛ han ihege, ba se'em ka boe wan vo'e. 23Yenɛ ne gura panhedoma wa la dabeha ayi', ge soŋora ba, te a nini gan' ba sɔya woo poan mɛ, 24Ba ne nyɛ la yu'urɛ dabeha ayi', ge sooɛ wo buuro. Ba ŋmaɛ ba mɛ wo keho la 25La han dagana bala, ane n wan yele ne mam te n parone mɛ, ge pa'alɛ mam yeti, Mam tɔgɔre sɛla woo la dele yore?

will be added

X\