Yob 23

1Te Yob lerege yeti, 2Zina me, n wan kelom kperɛ toba la n nyɔna. La mam pon unhura la zan'an, Yenɛ nu'o kelom fɛɛbera mam la bala. 3Mam han mini mam wan nyɛ ne Yenɛ wa zen'an, bii mam han wan paɛ ne a bɔŋa zen'an la poan, n paɛ ne. 4Mam wan dekɛ ne a yele wa biŋe a nɛŋan, ge ŋmɛ' ne nɔkpe'ene la en. 5N wan zamehɛ ne n wan lerege ne mam se'em la, ge bɔkɛ n wan yele mam se'em la. 6Yenɛ wan zabera la mam wa la a paŋkantɛ wa? Aai, a wan ton kelehe mam. 7Bilam te nɛre tontɔɔdaana wan dekɛ ne a potɛn'ɛrɛ wa biŋe a nɛŋan, bilam te a wan nyɛ faanrɛ a gankera wa nu'uhen. 8N han keŋɛ nɛŋa, a ka boe bilam, bii pooren, mam ka nyɛ en, 9A han bɔna gɔbega tona, mam kan nyɛ en. A han ŋmɛregɛ zuɔ, mam kan nyɛ en. 10Ge enŋa mi' mam dole sose'ere, a han ta magahɛ mam ba'ahɛ, n wan ana yelam wo sanlema la. 11Mam na'ma kɔ'ɔn dɔla en mɛ, mam dole a sɔya la mɛ ka ŋmɛregera. 12Mam ka bahɛ Yenɛ n bo mam a nɔse'ere la. Mam dekɛ a yelehom la sogɛ la n suunre poan te bo tara toolom gana boom. 13Ge Yenɛ boe la a tɔka, ane n wan tee en, enŋa n bote se'em te a eta. 14A wan tom enŋa n maahom se'ere bahɛ mam zuo la ba'ahɛ. Yele aŋa mea kekeko n boe a potɛn'ɛrɛ poan. 15Bala zuo, mam paleŋa en ɛngere la en. Mam han tɛn'ɛhɛ, a tare mam la dabeem, 16Yenɛ bahɛ te mam suunre n fɔlɔgera. Gaŋɛ Zan'an Yenɛ wa en kɛn'ɛhɛ mam dabeem. 17Ge lika wa kan bahɛ te mam sina, bii lika kantɛ wa en yeti ka pin' mam wa.


Copyright
Learn More

will be added

X\