Yob 20

1Te Naama teŋa boraa Zopar la lerege yeti, 2Lan ete mam se'em la te mam bɔta te n lerege ho. 3Ho lebehe mam la toorɛ deyema, te sɛla eta mam te n lerege ho. 4Hom ka mi' yele dena wa, hom ka mi' te se'em ma'an te nɛresaaleba teŋa wa zuo na la, 5la pon gan'an mɛ, te be'emdoma pa'alɛ mɛŋa ka yuure, te sɛba n ka zote Yenɛ nyeema ka yuura? 6Pa'alɛ n mɛŋa han pon wɔgɛ la se'em me, wɔgɛ ta du'ura saŋgbanɛ wa ha, 7ba wan pɔn'ɛn wo a mɛŋa bino te a nyɛ' biŋe te to ne pɔn'ɛn se'em la, te sɛba n tabelɛ nyɛ a wan soke yeti, a le bɛɛ? 8A wan ɛnkɛ wo zaanheŋɔ la, a wan zɔ bɔregɛ wo yu'uŋɔ zaanheŋɔ la. 9Niho sebo en tabelɛ nyɛ en la kan le nyɛ en, bii a le bɔna a bɔŋa zen'an la. 10A kɔma wan soha la nahadoma vɔna, a mɛŋa wan va a nu'taton lebehe tehɛ, 11A iŋganɛ la n ne kpe'em la wan berege gan'an teŋa. 12La be'em n zan'anhom bo en la, te a kpɛn'ɛlɛ be'em a nɔɔrɛn la, 13ka bɔta te a bahɛ be'em, ge kɔn' be'em a nɔɔrɛn la. 14A dia wan ŋmɛligira a puurɛ poan ha. Ka wan lebege kanpɛn'a yabega a puuren. 15A wan vole tarega, ge lebehe tin' ka bahɛ na, Yenɛ wan sa'ɛ ka a puuren la bahɛ na. 16A wan leele kanpɛn'a yabega. Bonsɛla wan kɛ' en ko. 17A kan nyɛ kolaahe la behɛ, kolaahe se'ehe en zote la seerom la iilom. 18A kan di a murugere wɔla, a kan di te ka sige a puuren. A kan di a koohegɔ yɔɔrɔ la nyɛlom. 19Se'ere n sɔe la, a wɔnrɛ la nahadoma, ka beha nyɛta ba, a fan' la yire te ba mɛŋa ka mɛ. 20A puurɛ ka malom tegera. A nyingire mɛ, pon ka baha te sɛla peɛnra en. 21A ka dite ge gɛta sɛla. Bala zuo, a tarega kan yuue. 22La buge en mɛ, ge a boe la ninbaanlega poan. Sɛba woo n boe ninbaanlega poan wan bibige en na. 23Sɛla n wan tegɛ en dela, Yenɛ wa ka'ɛ a sunsunyiim la me'en bahɛ ba zuo na, te la dɛna a dia, 24Ba wan dekɛ zan'anɛ dige en, a wan zɔ nyɔgom pɛɛnɛ n tɛn' en toɛ tole. 25Pɛɛnɛ la wa lo ba iŋa la tooɛ yehe, te pɛɛnɛ la nɔɔrɛ lo a ya'am yehe na. Paleŋ'ɛnka n sige a zuo na. 26Lika n pin' a tarega la, bugum n ka fila n dite en. Bo dite la se'em woo n peɛn la a sɛla woo n boe a sogorɛ poan la zan'an. 27Saazuo mɛŋa wan lilige a be'em la, te teŋa zuo ihege zabɛ la en. 28Ba wan zi a yire poan lɔgɔrɔ zan'an keŋɛ, ba wan vu sɛla woo keŋɛ, Yenɛ sunsunyiim daarɛ la. 29Be'emdaana la tɔntɛ n de sɛla Yenɛ zen'an en bala, te Yenɛ maahom biŋe ba.

will be added

X\