Yob 2

1Te daarɛ deyema te Yenɛ dayɔɔhe la le lagahɛ te ba dekɛ ba mɛhe pa'alɛ Na'ayenɛ, te Dima lagom wa'an bini na te a dekɛ a mɛŋa pa'alɛ Na'ayenɛ. 2Te Na'ayenɛ yele Dima yeti, Hom ze'ele la bɛ na? Te Dima lerege Na'ayenɛ yeti, Mam boe ne la teŋparɛ wa zuo, ɛɛra ka zuo. 3Te Na'ayenɛ yele Dima yeti, Ho baŋɛ mam yameŋa Yob la? Nɛra ka boe teŋparɛ la zuo ana wo enŋa. A dela nɛra n ka tare gbelegere a vom poan, ge dɛna nɛre tontɔɔ, dɛna se'em n zote Yenɛ, ge yɛhera a mɛŋa sɛla n de be'em poan. La hom n pon dekɛ mam tugule la en te ho sagom en yoo la, a kelom zɛ'a la a birikinte mea poan. 4Te Dima lerege Na'ayenɛ yeti, Vom n de gɛla, nɛra n tare sɛla woo la han wan sagom ge te a vɔna, a bote. 5Ge pakɛ ho nu'o a konba la a iŋganɛ poan behɛ, a wan zɛrɛgɛ ho kan gee ho zen'an. 6Te Na'ayenɛ yele Dima yeti, Behɛ, a sɛla woo boe la ho nu'uhen, ge da kalom a vom. 7Te Dima ze'ele Na'ayenɛ nɛŋan keŋɛ, ta dekɛ saŋkana pɔgɔlom Yob iŋa zan'an, ze'ele a zuin ta paɛ a na'dibihe zan'an. 8Te Yob dekɛ sayɛɛŋa tara ɛnbeha a mɛŋa, ge zin'an tampegelom poan. 9Te Yob pɔga yele en yeti, Ho kelom zɛ'a la ho birikinte la poan? Zɛrɛgɛ Yenɛ ge ki. 10Te Yob lebehe en yeti, Ho tɔgɔrɛ wo pɔgɔ gerego woo n wan tɔgɛ se'em la. Yenɛ han bo to som to to'e, ge a han bo to be'em to zagahɛ? Yele ana wa woo poan la, Yob ka dekɛ a nɔɔrɛ tom be'em. 11Yob zɔdoma batan' n ta wom yelese'a en sige Yob zuo la, te ba zan'an yehe ba yiya yɛ'a na. Yob zɔdoma wa dela Teman teŋa boraa Elipaz, Suah teŋa boraa Bildad, la Naama teŋa boraa Zopar. Te ba zan'an lagahɛ taaba, te ba keŋɛ ta pan'ahɛ, ge bogelɛ ba zɔ Yob suunre. 12Ba boe la zaan ha ge nyɛ en na, ge ba ka baŋɛ en. Te ba zan'an sunya sagom, te ba kaaha vɔɔla, ge aanhom ba futo, ge vaara tentɔnɔ lɔbera, ge yɛɛla ba zuto. 13Te ba wa'ana lagom zin'an teŋa la en, yu'uŋɔ la wontɛɛŋa dabeha ayopɔe, ge te ba se'em ka lakɛ nɔɔrɛ tɔgɛ sɛla bo Yob. Se'ere n sɔe la, ba nyɛ te a namehegɔ la ba' gaŋɛ mɛ.

will be added

X\