Yob 19

1Te Yob lerege yeti, 2Wane ma'an te ho wan bahɛ n mɛlehegɔ? La hom tare ho yetɔgom wa wona mam se'em bora bora wa? 3Sugumnɔɔren pia n wana te hom kɔ'ɔn nyɛta mam be'em wa, nyanɛ ka tare hom la hom ete mam sɛla n ka ane soŋa wa? 4La han pon dɛna sera te mam tue mɛ, la boe la mam zen'an, 5la han le dɛna la hom zɛnkɛ la ho mɛŋa la mam, dekɛ mam namehegɔ wa tuluge zabera la mam, 6yi mina te Yenɛ n eŋɛ mam bala, dekɛ a yoka nyɔkɛ mam. 7Mam han pon kaahɛ yeti, fan' ya mam bahɛ, mam ka wune leregere. Mam kaahɛ la paŋa, ge mam ka nyɛ som. 8A mɛ la dangoone gu' mam, te mam kan ta'an yakɛ, ge bahɛ te mam sɔya la zan'an dɛna lika. 9A yɛɛ mam na'ahegɔ la mɛ, ge vuke muŋa la mam zuin. 10A kɔ' mam zan'an woo mɛ' te n le dagana sɛla, ge voen mam n tare potɛn'ɛrɛ se'ere la woo wo tia la bahɛ 11Yenɛ taɛ la a sunsunyiim bahɛ mam zuo, te mam lebege a dima, 12A pɛɛntɛɛnreba woo lagahɛ la a zen'an na, maahom ba zaba lɔgɔrɔ gum mam sogorɛ kae. 13A yelege mam nɛreba mɛ te ba zaan la mam, te mam lebege saana. 14Mam nɛreba, la mam la sɛba n de zɔdoma paɛ paɛ zagahɛ mam mɛ, 15Sɛba n boe mam yire poan, la mam pɔsɔɔrɔ dekɛ mam te mam dɛna la saana ba nɛŋan. Mam dela saana bo ba. 16Mam yi' en yameŋa mɛ, te ka sina. Mam wan dekɛ n fabelegɔ bo la enŋa. 17Mam vo'ohom fɛn'ɛn mɛ bo n pɔga, Mam mɛŋa nɛreba ka bote mam, 18Kɔmbibihe ka dekɛ mam yi' sɛla, mam han ihege, ba tɔgɔre la mam yele. 19Mam zɔdoma paɛ paɛ zagahɛ mam mɛ, te mam n nɔŋɛ sɛba tuluge zabera la mam. 20Mam konba tabɛ mɛ la n iŋganɛ, ta ta' n nɛnɔ, mam vom dela mɛlehegɔ. 21N zɔdoma wa, ya kan zɔ n ninbɔn'ɔn, zɔ ya n ninbɔn'ɔn. Se'ere n sɔe la Yenɛ mɛŋa nu'o n ŋmɛ' mam. 22Bene te yamam me digera mam wo Yenɛ, ka malom bɔ'ɔra n iŋganɛ wa sunma'ahom. 23Mam yetɔgom wa han golehe ne gan'an mɛ, bo han golehe ne eŋɛ la gɔŋɔ poan. 24Ba han dekɛ ne la pin' kpa'a kɔɔnrom bɔ lamenɛ taŋa poan te la gan' ne wuuha. 25Mam mi' te se'em n wan yɔ to'e mam la vɔe mɛ, te ba'ahegɔ poan, a wan ba'ahom ze'ele bo mam. 26Mam iŋganɛ wa han pon pɔn'ɛn ba'ahɛ, mam wan nyɛ Yenɛ la iŋpaalega. 27Yenɛ se'ere n wan zɛ'a la mam la, mam mɛŋa nini wan nyɛ, ge dagɛ se'em woo. Mam suunre en folegere n poan ha. 28Ya han yeti, to wan eŋɛ en la wane? To wan dekɛ la yele denɛ nyaŋɛ nyɛ fole gankɛ en? 29Zɔta kum. Se'ere n sɔe la sunsunya yɔɔrɛ dela kum, bala te ya wan mina te gankerɛ boe.

will be added

X\