Yob 18

1Te Sur teŋa boraa Bildad la lerege yeti, 2Wane ma'an te hom wan bahɛ ho saara wa? Tɛn'ɛhɛ soŋa ge te to tɔgɛ, 3Bene te hom behɛ te tomam dɛna nii? Bene zuo te hom behɛ te tomam wa dɛna gɔɔnɔ ho nɛŋan? 4Hom dekɛ la sunsunya aanhom ho mɛŋa wa. Hom tɛn'ɛhe hom ma'an zuo, teŋparɛ wa da bɔna, bii tanhe vɔn' se ze'elego zen'enhe la? 5Yelemɛŋɛrɛ, ba wan keŋɛ be'emdoma nɛɛhom bahɛ, te ba bugum zɛleŋa kan bɔna. 6Nɛɛhom wan lebege lika ba yiya poan, te butolela sɛka n laŋɛ bo ba la keŋɛ. 7Ba paŋa n wan paɛ ne zen'an la ba ŋmaɛ bahɛ mɛ, te ba mɛŋa nyaleŋɔ nya lobe ba bahɛ, 8Ba mɛhe na'ma n tare ba ta kɛn'ɛhe gɛnra poan, te ba keŋɛ ta lu boko poan. 9Baŋa n gin' ba kelenkegela, te bɛnregɔ nyɔkɛ ba. 10Ba pin' la bɛnregɔ mi'an teŋa ha gura ba, te baŋɛ gan'an sore zuo gura ba. 11Paleŋ'ɛnka n tare a zen'an woo, digera en te a zɔta. 12Kom n ko en, te nɔyalegerɛ gan'an gura en a tuuŋɔ la woo. 13Ban'a n sagone a iŋa. Ban'a yaalega n dole ko'ohera a bɛɛhe. 14N dekɛ a mɛhe delom sogorɛ se'ere la gbi ya, te a nya bɔna naba nu'uhen la dabeem. 15Sɛla ka gee a yire la poan, tampegelom en dekɛ kɔɔɛ a bɔŋa zen'an la woo. 16A nyɛga pɔn'ɛn mɛ poan ha, te a yila aanhom lu. 17A sɛla ka le puta teŋparɛ wa zuo, te a yu'urɛ bɔregɛ sɔrɔtɔ zuo. 18Ba zan'an en la nɛɛhom poan bahɛ lika poan, sa'ɛ ba teŋa wa zuo. 19A ka tare bia, bii yaaŋa, a nɛreba poan te nɛra la ayena me ka gee a bɔŋa zen'an la poan. 20Te nɛresɛba n boe teŋparɛ wa nɛŋa bɔba la nɔɔrɛ yalegɛ la sɛla n eŋɛ la, te dabeem kɛn' sɛba n boe teŋparɛ wa dapɔya bɔba la, 21Yelemɛŋɛrɛ, lan ete sɛba n ka zote Yenɛ se'em n bala. Sɛba n ka mi' Yenɛ zen'enhe en ane se'em n bala.

will be added

X\