Yob 12

1Te Yob lerege yeti, 2Ya seren de nɛreba, Yam wan ki la ya. 3Ge mam me tare bɔkerɛ mɛ wo yamam la. Yamam ka gane mam. Ane n ka mi' yele ana wa taaba? 4Mam nya dela bonkɛhela n zɔdoma wa nɛŋan, mam se'em n ne yi' Yenɛ te a lerege mam la, Mam se'em n ka tare tuure la n de bonkɛhela wa. 5Sɛba n boe fai ka nane sɛba n boe daaŋɔ poan, wo sɛba n boe namehegɔ poan la n namehegɔ la n tagalɛ taaba se'em la. 6Faanreba yiya n tare sunma'ahom te sɛba n nyiihe Yenɛ sunsunya bɔna fai, Ba paŋa la ane mɛ Yenɛ la bo ba. 7Ge soke dunhe, ge se wan pa'alɛ hɔ, soke niihe n ɛngere saazuo te se yele ho. 8Soke teŋparɛ wa zuo bonbula wa ge ba wan pa'alɛ hɔ. Bahɛ te zim n boe ko'omen yele ho. 9Bana wa woo poan, ba ane n ka mi' te Yenɛ mɛŋa nu'o n ŋmɛ mam? 10Sɛla woo vom boe la enŋa nu'uhen. Saaleba woo vo'ohom boe la a nu'uhen. 11Toberɛ ne ka to'e yele mɛ behɛ, wo zɛleŋa ne lame dia behɛ se'em la? 12Korogerɛ n de yam. Yuure n tare bɔkerɛ. 13Yam, la paŋa boe la Yenɛ zen'an. Enŋa n tare kan'aŋɔ la bɔkerɛ. 14Yenɛ han gbi bahɛ, se'em kan mɛ'. Yenɛ han yu' nɛra, se'em ka boe wan yu'ɛ. 15Yenɛ han gu' ko'om wa, bo wan ku'e. Yenɛ han bahɛ bo na, bo wan ni uke teŋparɛ wa. 16Paŋa la yam boe la Yenɛ zen'an. Ban pan'ahɛ sɛba la, la se'em n pan'ahere la zan'an boe Yenɛ nu'uhen. 17Enŋa n sigehere yamdoma teŋa. Enŋa n bahere te yelegankereba dɛna geto. 18Enŋa n vuguhe nadoma mu'hi, ge tee ŋmɛligɛ fuo lo' ba sea. 19Enŋa n yehere malemadoma ba kpe'eŋo poan. Enŋa n to'ore sɛba n behere nɛreba la paŋa. 20Enŋa n ma'are narezura nɔya ge tɔ'ɔra bonkɛgehe bɔkerɛ. 21Enŋa n behere te nyanɛ dita nabiihe, ge tɔ'ɔha panhedoma tiini. 22Enŋa piligere sɛla n boe lika poan na, ge baha te lika lɛbegera nɛɛhom. 23Enŋa ne bahɛ te teŋa kpe'em, te a sagom ka. Enŋa ne bahɛ te teŋa kanregɛ, te a yeregɛ ka bahɛ. 24Enŋa n to'ore teŋa zuo nadoma yam, ge bahɛ ba te ba dɔla tuuna yoo. 25Ba gɛnti la lika poan te bugum ka'na. A eŋɛ ba mɛ te ba gɛnta wo daambugureba la.

will be added

X\