Yob 11

1Te Naama teŋa boraa Zopar la lerege yeti, 2yetɔgom zo'e zo'e dite la boorɔ yoi? Bii se'em n tan' tɔgɔra ka tare la tuure yoi? 3Hom pepeligɔ wa wan le' nɛreba nɔya? Bii ho han kɛhɛ, se'em da yele ho? 4Hom yeti hom dela nɛretontɔɔ, hom ka tare dɛngerɔ Yenɛ nɛŋan, 5Yenɛ han tɔgɔre ne mɛ, ya'ɛ ne a nɔɔrɛ tɔgɛ bo ho. 6ge pa'alɛ ne ho yam sebo n sogɛ. Yam boe la yema yema. Ho wan baŋɛ ne te Yenɛ ton yolohe ho mɛ n bala. 7Ho wan ta'an baŋɛ Yenɛ yelese'a n sogɛ? Hom n wan ta'an baŋɛ Gaŋɛ Zan'an Yenɛ wa beene? 8A zooe saazuo ha mɛ, hom wan ta'an eŋɛ la bem? Ge sige teŋa teŋa ha, gaŋɛ bilam me ha, hom wan baŋɛ la bem? 9A yɛla la wɔgɛ gana teŋparɛ wa mɛ, ge yalegɛ gana ko'kantɛ wa, 10A han yeti a doohe nyɔkɛ na pagɛ, ge lagahɛ na gankɛ, ane n wan gu' en. 11Se'ere n sɔe la, a mi' sɛba n ka tare vɔnrɛ la mɛ. A han nyɛ be'em, a kan baŋɛ? 12Mɔɔen boŋa han dɔgɛ nɛra daarɛ, Gerego me wan nyɔkɛ yam. 13Dekɛ ho suunre bo Yenɛ, ge sohɛ en, a wan kelehe ho. 14Be'em han bɔna ho poan, yehe bo bahɛ zaan. Da bahɛ te toonfɛn'ɛre tooma bɔna ho sogorɛ poan. 15Bala te ho wan gorege ho zuo te ho tuure kana. Ho wan sɛ zɛ'a kaŋkaŋe te dabeem kana. 16Ho wan tamɛ ho ninbɔn'ɔn wa. Ho wan tɛɛn te la ana wo ko'om n zɔ tole la. 17Te ho vom nɛɛ wo wontɛɛŋa la. Sɛla n de lika ho vom poan wan dɛna nɛɛhom. 18Ho wan nam ho mɛŋa. Se'ere n sɔe la, ho tare potɛn'ɛrɛ. Ho wan nyɛ te'elego fai. 19Ho wan gan'an ginha te sɛla ka bɔna wan vuunhe ho. Zo'e zo'e wan po'oha hɔ. 20Ge toonfɛn'ɛhadoma nini n behere sɛla la, ba kan nyɛ. Kum ma'an te ba wan nyɛ.

will be added

X\