Yeremia 9

1Mam zuo wa han dene la ko'niho, te n nini wa dene nintam mɔgɔrɛ. N wan kele ne bolika la yu'uŋɔ zan'an, n nɛreba wa n de taromdoma te ba kɔrom la zuo. 2Mam han tare ne la saama gan'aregɔ zan'an mɔen ha, n wan bahɛ ne n nɛreba wa, ge keŋɛ ne, n kan lɛm ne ba. Ba ka dole Yenɛ buuri saŋa. Ba dela nɛreba n dagɛ yelemɛŋɛrɛdoma. 3Ba ba' zɛlehe mɛ wo tanhɔ la, te ba tɛn' ponpɔrɔŋɔ bahɛ na, tanhɔ n ne tɛn' pɛɛnɛ bahɛ se'em na la. Ba zo'e teŋa la poan mɛ la ponpɔrɔŋɔ ma'an. Ba ze'ete la be'em lɔŋera be'em, ba ka mi' mam. Na'ayenɛ yele se'em n bala. 4Baŋɛ ho zɔdoma la yele soŋa, da kɔ'ɔn dekɛ ho mɛŋa delom ho sɔɔn. Sɔɔn woo dela se'em n wan pan'ahɛ hɔ, te zɔdoma woo me dɛna se'em n wan sagom ho yu'urɛ. 5Zɔ n pan'ahere zɔ, te se'em ka tɔgɔra yelemɛŋɛrɛ ba poan. Ba zamehɛ ba zɛlehe la ponpɔrɔŋɔ, te ba ganlona, te ba nini mɔ'ɛ la be'em, te ba ka bɔta teere. 6Hon bɔna pan'ahegɔ poan. Ba pan'ahegɔ poan ba zagahɛ te ba kan mina mam. Na'ayenɛ yele se'em n bala. 7Bala zuo la, Pɛɛntɛɛnreba Na'ayenɛ la yeti, N wan nyɛlegɛ ba soŋa, yehe ba dɛngerɔ la bahɛ, han dagana bala, n wan eŋɛ n nɛreba wa be'em wa la wane? 8Ba zɛleŋa la dela yabega pɛɛnɛ, ponpɔrɔŋɔ ma'an n ze'ete ka poan na. Ba zan'an tɔgɔre la malemale bɔ'ɔra taaba, ge ga'ɛ bɛnregɔ ba sunya poan biŋe taaba. 9N da namehɛ ba yele ana wa zuo? La ka nare te mam mɛŋa lebehe yɔ teŋa n ana wane? Na'ayenɛ yele se'em n bala. 10Mam yeti, Kele bo zɔya wa, fabelɛ bo bɔn'ɔrɔ wa n boe mɔen ha wa. Se'ere n sɔe la, to wan gan'an yoo, te nɛnɛra kan le nɛɛra to poan tɔla. Niihe n ɛngere saazuo, la dunhe n boe ka poan, mɛlom mɛ keŋɛ fɔwoo. 11Na'ayenɛ yeti, N wan bahɛ te Yerusalem lebege sagaŋɔ lɔgɔrɔ tampogerɛ, Yerusalem wan lebege sanhe bɔŋa zen'an, te Yuda teŋa me lebege daboo, te nɛnɛra kan kɛn'ɛra ka poan. 12Mam yeti, Ane n tare yam wan ta'an bɔkɛ yele ana wa? Na'ayenɛ tɔgɛ bo la ane, te a wan ta'an yele pa'alɛ tɔ? Bene zuo te teŋa wa sagom, gan'an wo pɔgɔtia, te nɛnɛra ka dɔla ka poan tole wa? 13Na'ayenɛ yeti, Bama n zagahɛ mam pa'alegɔ la te mam bo ba. Ba ka nam mam la bii dɔla mam n bote se'em la. 14Ba ton dɔla ba mɛhe sunkanberɛ la, dɔla la Baal baga wo ba sɔyaabdoma la n pa'alɛ ba se'em la. 15Bala zuo, Pɛɛntɛɛnreba Na'ayenɛ la n de Israel Yenɛ la yeti, N wan bahɛ te nɛrebana wa di ditoo, ge nyu' yabega. 16N wan yeregɛ ba bahɛ teŋse'ehe te bama mɛŋa, bii ba sɔyaabdoma ka tabelɛ mina se poan, n wan dige ba la so'a, tara tara ta sagom ba ba'ahɛ. 17Pɛɛntɛɛnreba Na'ayenɛ la yeti, Yi ya pɔgɔse'ehe n ta'an kɛla la na. Yi ya pɔgɔse'ehe n ba' mina koonɔ la na. 18Behɛ te ba wa'an kalam kalam na kele bahɛ te zuo, te ninbɔn'ɔn kɛn' tɔ, te tomam me nini perɛ la nintam ka'aha na. 19Kaahega n ze'ele Zion poan ha kɛla baha na yeti, bene n zuo te tomam sagaŋɔ wa? La dela nyanɛ bo to, la tomam n wan yehe to teŋa la poan la. La dela nyanɛ bo to, la ban sagom to bɔŋa zen'an la bahɛ la. 20Pɔgɔhe, kelehe ya Na'ayenɛ yetɔgom wa, yu'ɛ ya toba kelehe a nɔɔrɛn yetɔgom. Ge pa'alɛ ya pɔyɔɔhe ban kele konɔ se'em, nɛra woo me pa'alɛ a tadaana ban fabele se'em. 21Kum doohe la te takɔla poan kɛn' bo, kɛn' to yiya poan mɛ na, te ko' kɔma n eere sɔya zuto, ge ko' bodibinpaalehe n boe teŋa la poan. 22Na'ayenɛ yeti, Yele yeti, nɛreba wan ki gan'an samana zuto, wo sɔgɔrɔ la. Ba wan ki gan'an wo kaara n ŋmate a dia biŋera a pooren, te ka gan'an se'em la. Nɛra ka boe wan doohe kan'ahɛ ba. 23Na'ayenɛ yeti, Da bahɛ te yamdaana n boe ya poan ŋmɛ' nyɔn'ɔn la a yam la, bii paŋadaana ŋmɛ' a nyɔn'ɔn la a paŋa la, bii bontata ŋmɛ' a nyɔn'ɔn la a tarega la. 24Se'em woo n wan ŋmɛ' a nyɔn'ɔn, a ŋmɛ' kɔ te enŋa bɔkɛ, ge mina mam. Te mam Na'ayenɛ tare zo'ohogɔ la narehom la tontɔɔ vom tona teŋa wa zuo. Se'ere n sɔe la, mam nini n tegɛ yelese'a n bala. Na'ayenɛ yele se'em n bala. 25Na'ayenɛ yeti ya, Dabeha la kene na, te n wan namehɛ n yeen ŋma ba iŋganɛ ma'an la. 26Mizraim la Yuda la Edom la Ammon la Moab la sɛba woo n boe pɔgɔtia teŋhe la poan yeen ŋma ba iŋganɛ ma'an la. Teŋsena wa woo ŋma ya, ge ba ka ŋma' bo mam Na'ayenɛ. Hom Israel me ane la bala, ho ŋma la iŋganɛ la, ge ho suunre ka ŋma.

will be added

X\