Yeremia 14

1Na'ayenɛ n tɔgɛ warɛ yele se'em bo mam Yeremia n wana. 2Yuda kele mɛ, te namehegɔ bɔna a teŋhe la zan'an poan, ba lu mɛ gan'an teŋa, kɛla bɔ'ɔra mam na. Yerusalem teŋa kaahega n bala wuna na wa. 3Ka dakanpa tone la ba yamehe, te se kena ɛɛra ko'om. Ba ne paɛ ba bulehe la poan, te ko'om ka boe bini, te ba le ziira lɔgɔ vɔya lɛbera la nyanɛ, te ba sunya sagom, ta ba zuto sura. 4Teŋa la ku'e mɛ tanhera, saa ka niire la zuo. Kaareba sunya sagom mɛ, te ba zuto sura. 5Mɔɔen walega han dɔgɛ, ka ne bahɛ ka kɔma la mɛ, ge zɔ. Se'ere n sɔe la, mɔɔ ka boe te ka wan obe. 6Te mɔen bonhe ŋmabera mɛ baha na, wo sanhe la. Ba nini ka nyanlegɛ mɛ, mɔɔ n ka boe te ba wan obe la zuo. 7To Na'ayenɛ, tomam mɛŋa be'em la n tare to nameha wa, ge fan' to bahɛ, ho mɛŋa yu'urɛ la zuo. To tuure la gaŋɛ mɛ. Tomam tom la be'em ho nɛŋa. 8Hom te Israel dekɛ a mɛŋa delom, hom n de a faanra a sunsagaŋɔ daarɛ. Bene zuo te ho lebege saana ho mɛŋa teŋa poan? Bene zuo te ho ana la tomam wo ho dela nɛra n dole tɔla te yenɛ lu en wa? 9Bene zuo te ho ana tomam wo nɛresaala te yele di'ɛn en? Bene zuo te ho ana la tomam wo pɛɛntɛɛnra paŋa n ba'ahɛ, te a kan ta'an fan' a nɛreba bahɛ? Ge la yele ana wa zan'an la, hom to Na'ayenɛ wa, boe mɛ la tɔ, te ba tare la hom yu'urɛ yi'ira tomam. Bala, da zagahɛ tɔ. 10Na'ayenɛ tɔgɛ nɛreba wa yeti, nɛrebana wa, ba' bɔta la ba ɛɛra nyaanra. Ba ka bote ba zɛ'a bɔberɛ yenɛ. Bala zuo, Na'ayenɛ zagahɛ ba mɛ. A nya wan tɛɛn ba ganleŋɔ la, la a namehɛ ba. 11Te Na'ayenɛ yele mam yeti, da po'ohɛ som bo nɛreba wa. 12Ba zagahɛ ba mɛhe, ge mam kan kelehe ba kaahega la. Ba tara nyɔ'an, la boom bo'olom kena na bɔ'ɔra mam, ge mam kan to'e ba. N ton yeti n dekɛ la so'a, la kom, la too sagom ba. 13Te mam Yeremia yeti, Na'ayenɛ, nɔtɔgɔheba n bala yɛta ba saŋa woo te so'a kan malom sige ba zuo na, bii ba vibe kom, ge sunma'ahom ma'an n wan dɛna ya denɛ teŋa wa poan. 14Te Na'ayenɛ yele mam yeti, nɔtɔgɔheba la tare la mam yu'urɛ parona. Mam ka tom ba, bii n loe ba, bii n tɔgɛ bo ba. Ba pote la ponpɔrɔŋɔ liligere, la ba mɛhe n nyɛte sɛla, te ba potɛn'yooro la n pan'ahe ba se'em la n bala te ba tara tɔgɔra bɔ'ɔra ba la. 15Bala, mam Na'ayenɛ yele se'em la nɔtɔgɔheba sɛba n pote mam yu'urɛ la poan wana. Mam ka tom ba la, ge ba pan'ahere nɛreba wa te, so'a bii kom kan sige teŋa wa zuo na. So'a la kom wan ko nɔtɔgɔheba wa. 16Ge te kom, la so'a ko nɛresɛba te ba pota bɔ'ɔra ba la, biŋe Yerusalem teŋa wa sɔrɔtɔ zuo, te ba gan'an zen'an woo, te nɛra kan bɔna wan pin' ba bama bii ba pɔgɔba bii ba dayɔɔhe bii ba pɔyɔɔhe. N wan ka'ɛ ba potɔɔ la bahɛ ba mɛŋa zuo na. 17Tɔgɛ yele ana wa bo ba yeti, Bahɛ te n nintam ka'aha bala bolika la yu'uŋɔ. Da malom go'e. Se'ere n sɔe la, ba damɛ mam pɔyɔɔhe la mɛ, la n nɛreba bahɛ teŋa la kunkunte. 18Mam han kɛn' sɛnkai ha, mam nyɛ la ban kɔrom ba te ba gan'an. N han le kɛn' teŋa la poan na, mam nyɛ la kom n bahɛ te ba ben'era. Malemadoma la nɔtɔgɔheba la keŋɛ teŋsɛka ba ka mi'. 19Hom kɔ'ɔn zagahɛ Yuda la yelemɛŋɛrɛ? Hom bahɛ Zion mɛ? Bene zuo te hom ka'ɛ to bahɛ, te to ka tara tebegɔ wa? Tomam eere la sunma'ahom, pon ka nyɛ som la fiin wa mɛ. Tomam eere la tebegɔ saŋa la, ge paleŋ'ɛnka ma'an te to nyɛta. 20Na'ayenɛ, tomam baŋɛ to be'em la, to baŋɛ to sɔyaabdoma tuure la. Tomam seren tom la be'em hom nɛŋan. 21Ho yu'urɛ la zuo da zagahɛ tɔ. Da diihe ho soŋa na'am gɔŋɔ la vi. Tɛɛn ho nɔbiŋere la te ho biŋe la to la, la ho da lu ke dɛ. 22Teŋkane bagarɛ n boe wan ta'an bahɛ te saa ni? Saŋgbana wa mɛŋa wan ta'an bahɛ te saa ni mɛ yoi? Aai, la dela hom to Na'ayenɛ wa n de to Yenɛ wa n eŋɛ bala. Tomam dekɛ te mɛŋa delom la hom. Se'ere n sɔe la, hom ma'an n bahere te yele ana zan'an eta.

will be added

X\