Isaiah 62

1Zion, hom zuo te n wan ya'ɛ n nɔɔrɛ le tɔgɛ sɛla. Hom Yerusalem teŋa wa zuo, n kan sina. N wan tɔgɔra la bala gura te ho ta nyɛ faanrɛ, bɔna fai, ge te ho soŋa la nya nɛɛ wo sonrom la. 2Teŋhe wan nyɛ hom yelemɛŋɛrɛ se'em. Te nadoma woo nyɛ ho soŋa n ane se'em. Ba wan yi'ira ho la yu'urɛ paalɛ se'ere te Na'ayenɛ la mɛŋa segɛ ho la. 3Ho wan dɛna soŋa muŋa bo Na'ayenɛ ho Yenɛ nu'o la. 4Ho yu'urɛ kan le dɛna Zagahegɔ, bii ba yi' ho teŋa la te, Daboo. Ba wan yi' ho te, N Nɔŋerɛ Boe La Hɔ, ge yi ho teŋa la ne te, N Di Ho. Se'ere n sɔe la Na'ayenɛ la suunre wan kan' hɔ, te ho teŋa la me ele en. 5Wo bonbilipaalega n nan di pɔgɔsa'arɛ se'em la, bala mea te ho dayɔɔhe wan di ho. Wo pɔgɔdita poorɛ n pee la a pɔga se'em la, bala mea te ho Yenɛ la poorɛ wan pee la hɔ. 6Yerusalem, n dekɛ la guruba yagelɛ ho dangoone la zuo kae. Te ba tɔgɔra bolika la yu'uŋɔ ka malom tara ba ana baanlam. Hom n yi'ira Na'ayenɛ se'em la kan ta'an ginhe. 7Ba wan tɛnhera Na'ayenɛ ho yele kan malom bahɛ te a vo'ohe, han dagana la bo la. Yerusalem teŋa paŋa la nyaŋerɛ zan'an woo. 8Na'ayenɛ zɛnkɛ la a nu'o ge pɔ' la a paŋa la yeti, N kan le malom dekɛ ya dia bo ya diŋdoma le yɛ'ɛha bii n le bahɛ te saama fan' ya daam paalom sebo te ya namehe bo zuo ta nyu' la yɛ'ɛha. 9Ge sɛba n kɛ' boom la wan di' dɛ ge pɛngɛ Na'ayenɛ. Ge ya wan nyu ya daam la pɛnka mam Toolom Yire la poan. 10Yerusalem teŋa wa, tole ya, doohe ya nayaŋa la poan tole. Maale ya, maale ya sore la. Vige ya kuga la bahɛ. Zɛnkɛ la sɛ' danlehom bo teŋhe la. 11Behɛ, Na'ayenɛ yele se'em bo teŋhe woo n wana: Yele bo Zion nɛreba yeti, Behɛ, la kan yuue la mam wa'ana fan' Zion teŋa wa bahɛ. A wan tare nɛresɛba n yɔ' bahɛ ge eŋɛ ka somɔ. 12Ba wan yi'ira ya Yenɛ Toolom Nɛreba, Nɛresɛba te Na'ayenɛ Yɔ' Ba Bahɛ la. Ba wan yi'ira Yerusalem Teŋsɛka Te Yenɛ Nɔŋɛ, Teŋsɛka Te Yenɛ Ka Bahɛ Yoo.

will be added

X\