Isaiah 6

1Naba Uzia kum yuunɛ poan, te mam nyɛ liligere. Ge te Daana la zin'an na'am gɔŋɔ n nyagere ge tara na'ahegɔ, te a fuo perɛ Yenɛ yire la poan zan'an. 2Te bugum nɛreba zɛ'a a zuin, tara kelompagehe seyoobe seyoobe, dekɛ seyi' pin' ba nɛhe, ge dekɛ seyi' pin' ba na'ma ge tara seyi' ɛngera. 3Te ba sɔɔlena taaba yeti, Fa'a, fa'a, fa'a dela Pɛɛntɛɛnreba Na'ayenɛ la. Teŋparɛ wa zan'an perɛ mɛ la a soŋa. 4Te ba koŋkɔya la voole la bahɛ te Yenɛ yire kolehe la miim, te ko poan perɛ la bugum zun'uhe. 5Te mam kaahɛ yeti, Yele boe mam zuo. Mam sagom ba'ahɛ. Mam nɔɔrɛ tɔgom tare la be'em, te mam saŋa wa poan nɛreba me ana bala, ge te mam nini nyɛ Naba la, Pɛɛntɛɛnreba Na'ayenɛ la. 6Te bugum nɛreba la ayema ɛnkɛ paɛ mam zen'an na la bugum saanɛ te a dekɛ kuto migihiga mike de kaanbegɔ zen'an. 7A dekɛ dɛ kalom mam nɔɔrɛ ge yeti, Behɛ, dena wa n kalom ho nɔgbama wa la, ba kaanbɛ ho tuure woo zuo mɛ. Ba di suguru bo ho be'em woo mɛ. 8Te mam wom Daana la konkore te a yeti, Ane te n wan tom? Ane n wan to'e to na'arɛ keŋɛ bo to? Te mam yeti, Mam wana. Tom mam. 9Te a yele mam yeti, Keŋɛ ta yele nɛrebana wa yeti, kelehe ya malom kelehe, ge ya kan malom bɔkɛ. Behɛ ya malom behɛ, ge ya kan malom nyɛ. 10Bahɛ te nɛrebana wa potɛn'ɛra da tana tɛn'ɛha, bahɛ te ba toba da wona, te ba nini da nyɛta. Han dagana bala, ba nini wan nyɛta, te ba toba wona, te potɛn'ɛra bɔkera, te ba ŋmɛregɛ lebena nyɛ ba tebegɔ. 11Te mam yeti, N Daana, la wan yuue la wane? Te a yeti, teŋkanra la wan ta sagom zan'an, te nɛra ka bɔna se poan, te yiya zɛ'a te nɛreba ka kɛn'ɛra a poan, te teŋa la sagom zan'an. 12Na'ayenɛ wan ta yeregɛ nɛreba wa ba teŋa wa poan bahɛ zen'an n zaan. Ba wan ta bahɛ teŋa la te ka gan'an voore. 13Ge ba poan porogerɛ pia wan yee teŋa la poan. Ge bugum wan le nyɔ' teŋa la. Ge ka wan le tobɛ na wo tia te ba ne ŋmaɛ bahɛ te ka le tobɛ se'em la, bala mea te toolom biileho wa wan le tobɛ teŋa la poan.

will be added

X\