Isaiah 55

1Ko'nyuuro n tare se'em woo, wa'ana nyu', se'em woo n pon ka tara ligiri, wa'ana to'e dia di zaŋa. Wa'an ya na to'e daam la iilom zaŋa. 2Wane te ya tara ligiri baha da'ara sɛla n dagɛ dia? Wane te ya nameha ya mɛhe tona di sɛka n kan tegɛ ya? Kelehe ya mam soŋa soŋa, ge bala te ya wan di disɛka n ane soŋa la tegɛ la popeelom. 3Be'e ya toba kelehe mam soŋa, wa'an n zen'an na. N wan biŋe nɔse'ere taaba te n biŋe la David la, nɔŋerɛ se'ere n ka tare ba'ahegɔ nɔbiŋere la la yamam me. 4Behɛ ya, mam eŋɛ en te a dɛna nɛŋadaana, ge dɛna naba sɔna teŋhe behera. Enŋa n daa de mam seradaana bo teŋparɛ wa. 5Ya wan tanhɛ teŋse'ehe te ya ka tabelɛ mina, bii se ka tabelɛ mina ya, te se zɔta na ge gbe'era. Se'ere n sɔe la, mam Na'ayenɛ Israel Yenɛ la en zɛnkɛ hɔ. 6Ɛ Na'ayenɛ te la nan nyɛte wa, yi' en te a nan lɛm na wa. 7Bahɛ pototooma la potɛn'be'ero la ge ŋmɛregɛ lebe Na'ayenɛ zen'an na, a wan zɔ ho ninbɔn'ɔn. Ŋmɛregɛ lebe Yenɛ zen'an na, a wan di suguru bo ho. 8Mam Na'ayenɛ potɛn'ɛrɛ ka ane wo yamam potɛn'ɛrɛ, mam sɔrɔtɔ ka ane wo yamam sɔrɔtɔ. 9Wo saazuo n zaan la teŋparɛ wa se'em la, bala te mam sɔrɔtɔ zaan la ya sɔrɔtɔ, te mam potɛn'ɛrɛ zaan la yamam potɛn'ɛra. 10Saa han ni, bii mɛgelom han lu, bo kan lebe na ge maalɛ teŋa bonbuula ba'ahɛ. 11Bala mea te mam yelehom la ana. Bo han ka tom mam bote bo tom se'ere woo la ba'ahɛ bo kan lebe n zen'an na zaŋa. Bo wan tom la mam bote bo tom se'em la. 12Ya wan yehe me la popeelom, la ya kena la sunma'ahom. Zɔya la zobibihe wan yoona baha ya ge te tiihe pa'ara nu'uhe. 13Tiihe n tare dɔɔsonɔ sonɔ wan tee yehe teŋsɛka te gɔn'ɔhe kpanrɛ ka la zuo. Tiihe sena wa wan zɛ'a dɛn seradoma bo Na'ayenɛ som la.

will be added

X\