Isaiah 54

1Kondɔgɔrɛ wa, bahɛ te ho poorɛ pee te ho yoona vɔɔla, la hom nan pon ka dɔgɛ wa. Na'ayenɛ yeti, Hom kondɔgɔrɛ wa kɔma wan zo'e gana se'em pon dɔgɔra te la yuue. 2Yalegɛ ho sogorɛ la, pa'ahɛ deto, ɛɛnbɛ de yalegɛ. 3Ho wan wi'ɛ te zuɔ, la gɔbega zan'an dɛna hom ma'an buuri. Ho buuri la wan zo'e na fan' teŋhe sɔe zin'an se poan. Ba wan sɔe teŋhe la nɛreba n bahɛ teŋse'ehe la. 4Da tara dabeem bii valom bii ho giinla kɔ'ɔhɛ. Yanɛ kan di ho. Ho wan tamɛ vi sebo n di ho ho bonbilomen ha la bii ho pɔkɔɔnrɛ saŋa ha la. 5Se'emdaana n yagom ho la n de ho sera. A yu'urɛ dela Pɛɛntɛɛnreba Na'ayenɛ. Israel Fa'adaana n de ho Faanra. Ba yi'ire en te a dela teŋparɛ wa zan'an la Yenɛ. 6Na'ayenɛ ho Yenɛ la yeti, Ho ane wo pugula n ele te ka sera zagahɛ ka te ka suunre sagom te ka ɛɛra kɛla se'em la. Ge n wan le yi n pɔga wa te ka kule na. 7Mam zagahɛ hɔ la saŋa fiin wa, ge n wan dekɛ nɔŋerɛ, la sunsonɛ tare ho lebe n zen'an na. 8Mam dekɛ la sunsunyiim bire poore bahɛ hɔ. Ge nananawa, n wan zɔta ho ninbɔn'ɔn, ge nɔŋɛ hɔ te la ka tara tɛka. Na'ayenɛ ho faanra yele se'em la. 9Ya yele wa ane wo Noah saŋa la poan ha te n yuun yeti, mam kan le dekɛ ko'om sagom teŋparɛ wa la. Bala mea te n yɛta yamam me zina wa, te n suunre kan le nyie la ya te n namehɛ ya. Nananawa, n wan zɔta ya ninbɔn'ɔn, ge nɔŋɛ ya kɔ'ɔn wuuha. 10Zɔya wan ta'an miim, te zobibihe mɛlom, ge mam zo'ohogɔ wa n ka malom kɔŋera wa kan miim la peka peka, bii n luke en sunma'ahom nɔbiŋere wa te n biŋe wa. Na'ayenɛ n zote ya ninbɔn'ɔn la n yele se'em n bala. 11Yerusalem teŋa wa, ninbɔn'ɔn n kɛn' hɔ te ho giinla kɔ'ɔhɛ zan'an. Sabeeo n zɛnkɛ hɔ tara ho lɔbera tuluha zen'an woo. Ge la bala zan'an, mam de Daana la wan dekɛ kuga dɛnlemadɛntɔ malom mɛ ho ze'ele, n wan dekɛ kuga poonhogɔ ɛɛnbɛ hɔ. 12N wan dekɛ kuga mɔlebagenɛ mɛ ho pɛɛntɛɛnreba bɔŋa zen'enhe, ge dekɛ sanlenkuga ho nayahe la ho dangɔɔma la kae. 13Na'ayenɛ wan pa'alɛ ho dayɔɔhe yam, te sunma'ahom n ka tare ba'ahegɔ bɔna ho kɔma la zuo. 14N wan mɛ hɔ yagelɛ tontɔɔ vom zuo. Ho kan zɔta dabeem la nɛresɛba n yeti ba daane hɔ. Daaŋɔ tɛn'ɛhegɔ woo wan zɔ mɛlom ge bahɛ hɔ. 15N kan bahɛ te se'em tole te a nyaŋɛ wa'ana zabɛ la hɔ. Se'em woo n wa'ana te a zabɛ la hɔ, ho wan nyaŋɛ en, te a daana lebege ho yameŋa. 16Behɛ, mam yagom kuta, te a tana tara bugum nyɛlegera kuto maala zaba lɔgɔrɔ. Mam n yagom pɛɛntɛɛnreba te ba tara paŋa wan ta'an sagom. 17Zaba lɔkɔ seko woo te ba maalɛ te ba dekɛ zabɛ la hɔ kan ta'an ze'ele la hɔ. Yetɔgɔyoo seko woo te ba tɔgɛ bahɛ ho zuo kan nyaŋɛ sagom hɔ. Mam yamehe wa, Yerusalem dela yamam zen'an. Mam Na'ayenɛ n biŋe n nɔɔrɛ te faanrɛ ze'ete la mam zen'an na.

will be added

X\