Isaiah 50

1Na'ayenɛ yeti, Ya ma pɔgɔlebehegɔ gɔŋɔ la bɛ? Gɔŋkona wa te n dige en bahɛ la bɛ? Ane yɔ sanɛ la te n koohe yamam? Ya be'em zuo te n koohe yamam. Ya pototooma zuo te n dige ya ma bahɛ. 2Bene n sɔe te n wa'ana, la nɛra ka boe? Mam han yi'ira ya, ya ka kelehe mam. Mam paŋsɛka te mam tara gu'ura ge faanra ya baha la ba'ahɛ mɛ yoi? Dagɛ mam nɔɔrɛ yetɔgom ma'an n bahɛ te kolaahe ku'e, te zim pɔn'ɛn tabɛ ba poan, la ko'om n ka boe bini la zuo? 3Mam bahɛ te saŋgbanɛ sobege wo sunsagaŋɔ futo la. 4Daana Na'ayenɛ bo mam la yelehom sebo n wan kpemehe sɛba n taregɛ. Bolika woo a nɛɛhe mam mɛ te n zamehɛ a pa'alegɔ wa. 5Daana Na'ayenɛ eŋɛ mam te n nana mɛ, ge dagana pobirega daana. 6Mam dekɛ la n poore bo te ba ŋmɛ', ge vɛ' n tɛɛŋa. Ban toorɛ mam ge toboha nɔtɔɔnrom ma'ara mam nɛŋa la ka nyaŋɛ gu' mam. 7Diŋdoma too mam mɛ ge ba kan nyaŋ eŋɛ sɛsɛla Daana Na'ayenɛ soŋɛ mam zuo. Bala la, n kpeŋe m mea a zuo. N mi' te enŋa kan bahɛ te vi nyɔkɛ mam. 8Mam gu'ura la lɛm mam mɛ. Se'em ka boe wan ze'ele zuunhe mam tuure se'ere poan. 9Daana Na'ayenɛ la wan soŋɛ mam, ge pa'alɛ te mam ka tare tuure. Sɛba n zuunhere mam la wan bure wo guŋa n mɔgɛ tanɛ te de buta se'em la. 10Ane ya se'em zote Na'ayenɛ ge nana a yameŋa nɔɔrɛ? Nɛre ka boe kene ne lika poan ge ka nyɛ nɛɛhom la ge nya tare a mɛŋa bo Na'ayenɛ yu'urɛ bii ge delom a Yenɛ la. 11Dole ya bugum sebo te ya mɛhe toorɛ te bo taɛ la. Ge ya mina te mam mɛŋa wan namahe ya te la woŋɛ ya.

will be added

X\