Isaiah 4

1Dabeha aŋa poan, pɔgɔhe seyopɔe wan gin' boraa kayena yele ka yeti, Tomam wan diihira to mɛhe, ge yɛɛla to mɛhe, ge hom yeen bahɛ te ba yi'ira tɔ ho pɔgɔba, te to yehe to nyanɛ wa poan. 2De daarɛ Na'ayenɛ Yile wan yehe na. A ana soŋa ge nyagera. Te dia n maalɛ teŋa la poan la wan dɛna nyɔn'ɔn ŋmɛ'an bo Israel nɛresɛba n vo'e la. 3Sɛba n yee Zion poan n bɔna Yerusalem poan wan dɛna toolom nɛreba. Ba dela sɛba te ba golehɛ te ba vɔ'e Yerusalem teŋa poan. 4To Daana la wan pee Zion teŋa pɔgɔhe dɛngerɔ la bahɛ. A wan yehe ziim taala la n lerom Yerusalem la bahɛ. A wan dekɛ gankerɛ la bugum eŋɛ bala. 5Na'ayenɛ wan naam zun'uhe saŋgbanɛ te de pin' Zion Zoore, la nɛreba zan'an bolika. Te yu'uŋɔ poan, de dɛna bugum ne nɛɛ bo ba. Na'ayenɛ soŋa la wan dɛna paka bo ba. 6Wontɛɛŋa saŋa, paka la wan pin' ba te wontɛɛŋa ka paara ba, ge dɛna ba soka zen'an, ge gu'ura ba te sabeeo la saa ka paara ba.

will be added

X\