Isaiah 39

1Baladan dayɔa Merodak n nya yuun de Babilon teŋa naba. N yuun wom te Hezekia nya nyɛ iŋma'ahom la, te a golehɛ gɔgɔ dekɛ a bo'olom pa'ahɛ bini tom a tontoneba te ba tare ta bone. 2Te ba paɛ na te Hezekia poorɛ pee la ba, te a ihege tare ba ta pa'alɛ sanlenpeelega la sanlema la tiihe biila la kaam somɔ n zo'e se'em bɔna a bɔ seko poan te a a biŋera a lɔgɔrɛ la. Ge pa'ale ba a zaba lɔgɔrɔ n gan' bɔseko poan. Sɛla daa ka boe naba yire la poan, bii a teŋa la poan te a ka pa'alɛ ba la, bii a sogɛ ba. 3Te Isaiah soke Hezekia yeti, Nɛrebana wa ze'ele la bɛha na? Ba bote la ane? Te a lebehe yele mam yeti, Ba ze'ele la zanzaanrɛ na Babilon teŋa na. 4Te n soke Hezekia yeti, Hom dekɛ la bem pa'alɛ ba la? Te Hezekia lebehe mam yeti, Mam pa'ale ba la lɔgɔseto woo n boe n teŋa wa poan la. Sɛla ka gee te n ka pa'alɛ ba. 5Te n yele Hezekia yeti ya, Yele se'ere te Pɛɛntɛɛnreba Na'ayenɛ la n dekɛ te n yele bo ho n wana. 6Dabaherɛ kene na te ba wan vaɛ sɛla woo te hom, la ho yaabdoma bɔ biŋe teŋa poan ha. Na'ayenɛ la yele ya, te ba wan vaɛ sɛla woo keŋɛ Babilon te sɛsɛla kan gee. 7Ba wan vaɛ ho mɛŋa dayɔɔhe sese'ehe pa'ahɛ tare ba keŋɛ Babilon teŋa te ba ta dɛna naba la yamehe. 8Te Hezekia tɛn'ɛhɛ yeti, La han pon dɛna se'em zan'an, Na'ayenɛ pon deŋɛ yele mam mɛŋa te to teŋa wa wan tara iŋma'ahom dabeha ayi', bala hom n tara yelese'ere ze'ele Na'ayenɛ zan'an na la ane soŋa.

will be added

X\