Isaiah 35

1Pɔgɔtia teŋhe wan tara popeelom, teŋsɛka te se pue mɔɔ ka puhura ka poan la wan bule tiihe te se pue wɔla. 2Pɔgɔtia teŋhe n boe zan'an woo wan bule tiihe puhe wɔla, te popeelom yooma yoona. Ba wan perɛ la tiihe wo Lebanon teŋa n perɛ la tiihe se'em la, ba wan nɛɛ la soŋa wo Karmel Zoore, la Saron Zoore n nɛɛ la soŋa se'em la. Nɛra woo wan nyɛ tomam Na'ayenɛ la soŋa n ane se'em. 3Kpemehe ya, ya nu'uhen la n banle la, la ya duma gbe'era la. 4Tare ya popeelom, da zote ya dabeem. Yenɛ kene na te a namehe ya diŋdoma la Yenɛ mɛŋa wan lebehe yɔ ba, ge fan' ya ba nu'uhen bahɛ. 5Fɔɔhe nini wan pegehɛ, ge te wahe toba be'ehe. 6Wɔbehe na'ma wan tɛɛn te ba ɛngera kiha wo walega la. Zɛlehe se'ehe n ka tɔgɔra wan nya nyabera. Ko'om wan zɔta pɔgɔtia teŋhe poan. 7Tentɔnɔ tuluga la wan lebege kolaa, ge te teŋsɛka n ku'e wan bula la ko'om ma'an. Mɔɔ wan bule zen'sɛka te sɛla yuum ka puha bini ge te baahe dekɛ bini eŋɛ ba yiya la poan. 8Sɔrɔɔ soŋa nya wan dɔla bini tɔla, te ba nya yi'ira sore la Toolom Sore. Sore denɛ yeti de dɛna la sɛba n de Na'ayenɛ nɛreba ma'an sore, hom se'em n ganlom kan tan' po'ohɛ Na'ayenɛ kan ta'an doohe sore la zuo. 9Gbegema, bii yeobaahe kan lɛna sore la. Sɛba te Na'ayenɛ fan' la ma'an n wan dɔla sore dena zuo. 10Nɛresɛba te Na'ayenɛ fan' bahɛ la wan ta kɛn'ɛra Zion poan me na la yooma. Popeelom ta yeti la dɛna la muŋa le ba vuga daarɛ woo. Ba wan dɛ'ɛna ge vɔɔla. Se'ere n sɔe la, ninbɔn'ɔn la potɛn'ɛra zan'an wan zɔ mɛlom.

will be added

X\