Isaiah 32

1Behɛ, naba kayema la a nɛŋadoma kene na, wan tara yelemɛŋɛrɛ beha teŋa wa. 2Ba ayena woo wan ana wo soka zen'an te kolaa la sabekantɛ lɔbeha la. Ba wan ana wo ko'nini la bo teŋkɛ'ɛŋa, ge yona taŋa ma'ahom gu'ura wontɛɛŋa. 3Te hom se'em n tare nini, ho nini la wan pekɛ te ho nyɛ, ge te sɛba me n tare toba, ba toba la wan yo'e te ho wona. 4Sɛbadoma woo n ka tare suguro la, ba nya wan nyɔkera ba mɛhe ge tɛn'ɛha yɛla. Se'em woo n bire wan ta'an tɔgɔra wai wai. 5Ba kan le yeti te geto nyɛta na'ahegɔ bii ponpɔrɔma le nyɛta kpe'eŋo seko n de birikinadoma bonɔ. 6Geto tɔgɔre la gere yetɔgom. Saŋa woo ba zin' te'eha la ban wan eŋɛ se'em tom be'em. Ba parom Na'ayenɛ yele se'em. Ba bahɛ te kom n tare nɛresɛba la vibe se'em. Ba bahɛ te ko'nyuuro ko nɛresɛba n bote ko'om la se'em. 7Ponpɔrɔŋdoma tona be'em ge tɛn'ɛha potɛn'wuruba te ba sagom taromdoma la nahadoma sunya la parona, ba han pon sohora ya te ba eŋɛ ba som, ba pon kan' be'em bahɛ ba. 8Ge birikina la tɛn'ɛhe la potɛn'se'a n ane soŋa ge tara soŋorɛ, a etesoŋɔ la n bahɛ te a ze'a. 9Yerusalem teŋa pɔgɔse'ehe n boe fai ka te'eha sɛsɛla yele wa, kelehe ya mam n yeti ya se'em wa! 10Zina wa, sɛsɛla ka daane ya, ge la han ta paara wo yuune deyena poan la. Tiihe dia kan le wɔna ge te dabeem kɛn' ya. 11Pɔgɔse'ehe n boe fai wa, gbe'ere ya la dabeem. Yɛɛhɛ ya ya futo la bahɛ, ge tee sunsagaŋɔ futo yɛ. 12Kokɛ ya zuto kɛla, la yelese'ere n eŋɛ ya tiihe se'a la, la se va'am la. 13Ge la ya kɛla teŋa la sɛla n eŋɛ popeelom yiya la n boe Yerusalem teŋa poan la. Gɔn'ɔhe ma'an n nya perɛ mam nɛreba teŋa la 14Nɛra kan bɔna naba yire la poan. Teŋsɛka n ne perɛ la nɛreba la gan la voore. Limihego zen'an la, la wan saalom lebege bonhe de'eŋɔ zen'an, ge dɛna piihe yaama ɔbega zen'an. 15Saazuo sea la han ka'ɛ to zuo na, pɔgɔtia zen'enhe wan yehe tiihe te se kpanrɛ wo mɔen poan tiihe la. 16Yelemɛŋɛrɛ wan bo la pɔgɔtia la birikina etegɔ bo la samane poan. 17Tontɔɔ vom wan wom iŋma'ahom la Na'ayenɛ mɛŋa gu'ulom sebo n ka tare ba'ahegɔ. 18Mam nɛreba la wan bɔna la iŋma'ahom, te gbiriga ka bɔna, ge te Na'ayenɛ mɛŋa gu'ulom behera ba. 19Saa kuga han sagom tiihe in bo mɔɔ la, la teŋkante lebege daboo, 20Yenɛ eŋɛ somɔ bo ya. Ya han borɛ ya bonbuula, lɛna kolega la, ge te ya bonhe la ya nii ɛɛra fai.

will be added

X\