Isaiah 31

1Yele boe ya sɛba n le lebe Mizraim teŋa ta ɛɛra soŋorɛ, bii ya sɛba dekɛ la ya mɛhe delom Mizraim teŋa zaba yiri, bii ba yiri toroto, bii ba yiri ba'anreba paŋa n zo'e se'em la, ge da delom Israel Fa'adaana bii da ɛɛra Na'ayenɛ soŋorɛ. 2A tare yam. Sɛla te a pon yeti a wan eŋɛ la denɛ te a eta a wan ta'an bahɛ te sagaŋɔ wa'ana. Ya han dɛna potɔpa ya mɛhe bii ya soŋorɛ la sɛba n de potɔpa, ya wan nyɛ sagaŋɔ. 3Mini ya te Mizraim teŋadoma la dela nɛresaaleba. Ba dagɛ Yenɛ. Ba zaba yiri la dela nɛnɔ, ba kan ta'an vɔna wuuha. Na'ayenɛ la ha ta pa'alɛ a paŋa la a wan sagom teŋadoma wa, la nɛresɛba woo n dekɛ ba mɛhe delom ba la. Ba zan'an wan lagom lu. 4Na'ayenɛ la yele mam yeti, N yete n gbirige ba me wo gbegenɛ n tanhɛ mɔɔ poan se'em ge gbirigera se'em la, de ka zote duŋkeema la n tare tahega sɛka te ba gu gbegenɛ la te de da obe ba dunhe la. Pɛɛntɛɛnreba Na'ayenɛ wan sige Zion Zoore la zuo na zabɛ se'em n bala. 5Pɛɛntɛɛnreba Na'ayenɛ wan gu' Yerusalem teŋa wo niin yan'aŋa n kaare ka teko se'em la. 6Israel teŋa nɛreba wa, lebe ya enŋa la zen'an na ge ya ba bɔregɛ gaŋɛ me. 7Saŋa la kene na, te ya wan degehɛ ya mɛhe nu'be'ero la te ya sanlenpeelega, la sanlema mɛŋka maalɛ bage se'a la lobe bahɛ. 8Asiriadoma la wan ki, ge te nɛresaala nu'o ka gorɛ so'a sɛka n yeti ka kɔrom ba la. Ba boraa paalehe la wa zegera te ba peɛn, ge ba wan nyɔkɛ ba pɛnregɛ ba te ba lebege da'aba. 9Gbirigere la han ta paɛ na, ba paŋa yire wan lu'. Dabeem wan kɛn' ba zaba nɛŋadoma la te ba zɔ' pɛɛnbɔn'ɔn la poan. Na'ayenɛ la n yele se'em n bala, Yenɛ se'em n maahene a nyɔ'an bugum la Yerusalem teŋa n bo Zion Zoore la.

will be added

X\