Isaiah 29

1Yele boe hom Ariel teŋa wa te naba David tabelɛ zin'ire ho poan wa. Malom dɛ'ɛna yuunɛ yuunɛ de'enɔ la wo hom maahom to se'em la. 2Mam wan bahɛ te sunsagaŋɔ sige Ariel zuo. Ka wan lebege teŋa n fabele ge kɛla. Ho wan ana wo ho yu'urɛ la n pa'alɛ se'em la bo mam. 3N wan kae ho mum gan'an pigira hɔ. N wan tin' kura kae hɔ. N wan bahɛ te pɛɛntɛɛnreba ihege zabera la hɔ. 4Wana wan sigehe ho teŋa, te ho gan'an teŋa ge nya tɔgɔra. Ho wan pɔnrɛ na'ma teŋa ge tɔgɔra. Ho koa wan ana wo ke'ema koa la. Ho wan gan'an teŋa ge waahena baha na. 5Ge ho diŋdoma zo'e zo'e la wan ana wo puuhugo la, te ko'sebego keŋɔ pe'e ba wo urugo la keŋɛ boyena fim. Bilam bilam 6Pɛɛntɛɛnreba Na'ayenɛ wan wa'ana la saa damenɛ la teŋa miim la saa tanhega la saabeeokeŋɔ vukura, te bugum peelom dita. 7Te teŋse'ehe nɛrekooŋɔ n zaberɛ la hom Ariel teŋa wa la, teŋse'ehe en zaberɛ la ho paŋa zen'enhe la, kae ho gan'an pigira ho la wan tole wo ho zaanhom mɛ la. 8La wan eŋɛ wo ho nyɛ la liligere la, ana wo kom n tare nɛra te a zaanhom te enŋa dite mɛ, ihege te a kom la kelom duna en la. La wan ana wo ko'nyuuro n tare nɛra te a zaanhom te a nyuure la ko'om, ihege te ko'nyuuro la kelom tara en te a yɛ'a lika la. La wan eŋɛ teŋse'ehe nɛreba n zaberɛ la hom Zion Zoore wa la bala. 9Mam zɛ' la digi digi, fɔ da nyɛta. Buge ge ka nyu'. Gɛnta ge ka nyu daam. 10Na'ayenɛ ka'ɛ la gɔɔm kantɛ se'a bahɛ ya zuo na. A pin' yamam nɔtɔgɔheba wa nini mɛ, ge bobe yamam behereba wa zuto. 11Liligere la zan'an yelehom la wan ana wo gɔŋɔ n yu' te ba dekɛ bo gɔŋɔ mina te a kaanlɛ la. A wan yeti, N kan ta'an kaanlɛ, ko yu' mɛ. 12Te ba dekɛ bo se'em n ka mi' gɔŋɔ te a kaanlɛ. A wan yeti, N kan ta'an kaanlɛ. 13To Daana la yeti, Nɛrebana wa tare la yetɔgom ma'an lɛna mam na, ge na'aha mam la ba nɔya ma'an, ge ba sunya zaan mɛ la mam. Ba zoolom la te zɔta mam la dela nɛresaala ze'elego te ba zamehɛ. 14Bala zuo la, behɛ, n wan le damɛ nɛrebana wa la n yelenyalema kanra la, te ba yamdoma la yam la bɔregɛ, te basɛba n behere la kan le nyɛta sɛla. 15Yele boe sɛba n sogore ba yɛla te Na'ayenɛ da nyɛ la zuo. Sɛba n tone ba tooma lika poan la. Ba ne yeti, Ane n nyɛte tomam ete sɛla, bii mina tɔ? 16Ya tare la yɛla viliŋera kaara. Yagom baha la la yɔgɔrɔ la dela boyena? Sɛla te ba yagom wan ta'an yele a yagona la yeti, Dagɛ hom yagom mam? Bii sɛla te ba yagom yele yagona la yeti, Ho ka tare bɔkerɛ? 17La kan yuue la Lebanon teŋa n lebege bugulugo samanɛ. Ba wan dekɛ bugulugo samanɛ yi' tiihe zen'an? 18De daarɛ, wahe toba wan wom gɔŋɔ koyema n de ganɛ poan yelehom te fɔɔhe nini pegehɛ fɔɔlom la poan. 19Sɛba n nyɛ pogoleŋɔ wan nyeena Na'ayenɛ poan. Te teŋparɛ zuo nahadoma tara popeelom Israel Fa'adaana la poan. 20Toonfɛn'ɛhadoma la kan le bɔna, te nɛrekɛhereba la mɛlom. Yelemɛŋɛrɛ sɛba woo n lo be'emtooma la kan le bɔna. 21Bama n daa ne dekɛ yele yenɛ ma'an bahɛ te nɛra tue a yelemɛŋɛrɛ poan yetɔgom zen'enhe poan, parona pina nɛreba n ka tare geere boorɔ yetɔgom zen'enhe poan. 22Bala, Na'ayenɛ n yɔ to'e Abraham la yele Yakob yire yeti, Vi kan di Yakob nananawa, bii a nɛŋa pelege. 23Ge a han ta nyɛta a kɔma la n de mam nu'o bonɔ la te ba bɔna la en, bama n wan dekɛ na'ahegɔ bo Yakob Fa'adaana la, ge zɔta Israel Yenɛ la dabeem. 24Se'em woo n tue a suunre poan wan baŋɛ yelemɛŋɛrɛ la. Te sɛba n zɛrɛgerɛ yɛla wan tɔ'ɔha pa'alegɔ.

will be added

X\