Isaiah 23

1Tire teŋa yele n wana: Tarsis teŋa ɔɔnrɔnɔ wa, kele ya mɛ ge Tire teŋa wɔnregɛ mɛ te yire la deyena me ka gee, bii ɔɔnrɔnɔ ze'elego zen'an la bɔna. Ba soolom yele wa la Kitim teŋa bahɛ na. 2Ko'om nɔgbenɛ nɛreba wa, ane ya baanlam. Sitim teŋa kɔɔhereba wa, ya tom ya nɛreba mɛ te ba yageha ko'om, 3bɔna mam ko'om zuo. Te Nile Kolaa dia la, la ko'kantɛ poan lɔgɔrɔ dɛna a yɔɔrɛ, te a dɛna teŋhe zo'e zo'e da'a. 4Sidon teŋa wa, bahɛ te vi kɛn' hɔ. Se'ere n sɔe la, ko'kantɛ la tɔgɔre mɛ. Ko'om poan lɔgɔrɔ la yeti, N ka tabelɛ virige, bii dɔgɛ. N ka tabelɛ uge bodibinto te to zo'e, bii pugunto te to lebege pɔgɔsa'a kanha. 5Sɔɔleŋa wa han paɛ Mizraim, Mizraim suunre wan nyii la Tire teŋa wa. 6Zoohe ya tɔla Tarsis teŋa ha. Ko'om nɔgbenɛ nɛreba wa, kaahɛ ya mɛ. 7Ya de'eŋɔ teŋa mea n wana wa yoi? Teŋsɛka tuunhom n pɔhɛ deemen deemen ha la n wana? Teŋsɛka na'ma n kenɛ paara zen'se'ehe n zaan sɔna se teŋhe la n wana? 8Ane n maahom sagaŋɔ kona wa bahɛ Tire teŋa wa n de teŋhe zan'an na'am muŋa wa? Teŋsɛka kɔɔhereba n de nabiihe, te ka leebedoma dɛna teŋparɛ wa zuo nɛrezura wa zuo na wa? 9Pɛɛntɛɛnreba Na'ayenɛ la maahom te a dɛngɛ la sonhe woo pa'ale mɛŋa la, ge dɛngɛ teŋparɛ wa zuo nɛrezura la woo. 10Tarsis teŋa pɔyɔɔhe wa, perɛ ya ya teŋa la doora wo Nile Kolaa ko'om la, sɛla ka gu'ure ya. 11Na'ayenɛ la zaberɛ mɛ la ko'kantɛ la. A bahɛ te teŋhe n gbe'era. A bo la nɔɔrɛ doohe Kanaan teŋa, te a sagom teŋa la paŋa zen'enhe la zan'an. 12Na'ayenɛ la yeti, Sidon teŋa pɔyɔa wa n wɔnregɛ wa, ho kan le malom ihege saazuo. Ho han pon ihege tole Kitim teŋa, ho pon kan nyɛ vo'ohogo bilam me. 13Behɛ, Kaldeadoma teŋa la n bala. Nɛrebana n kan bɔna la. Asiriadoma aan kaŋa bo mɔen bonyooro. Ba wa'am me na gum ka, aanhom ka nadoma yiya, ge sagom ka te lebege daboo. 14Tarsis teŋa ɔɔnrɔnɔ wa, kele ya mɛ ge ya paŋa zen'an la wɔnregɛ ya. 15La kene na te ba tamɛ Tire teŋa yele yuuma pihiyopɔe, naba kayena vom yuuma n bala. Yuuma pihiyopɔe la han ba'ahɛ, la wan eŋɛ Tire teŋa la wo pɔgɔyaalega yoonɛ la poan n yele se'em la. 16Pɔgɔyaalega wa te ba tamɛ ho yele wa, dekɛ ho kɔnlɔgɔ dɔla teŋa la poan kaara. Ŋmɛ'ɛra kɔ limiha soŋa, ge baana baanhe zo'e zo'e, te ba tɛɛn ho yele. 17La wan ta wa'ana, te yuuma pihiyopɔe la han tole, Na'ayenɛ wan behɛ Tire teŋa. Ka wan le lebe ka yaalega yɔɔrɛ la poan, yaala la teŋparɛ wa zuo sɔ'ɔlom la doma la zan'an. 18Ge a yɔɔrɔ la a yaalega yɔɔrɛ la zan'an wan dekɛ bo la Na'ayenɛ. A kan lagahɛ tɔ biŋe, bii sogɛ tɔ, ge to wan dɛna la dia kekeko, la fusonɔ bo sɛba n boe Na'ayenɛ nɛŋan la.

will be added

X\