Isaiah 21

1Pɔgɔtia Seko N Lɛm Ko'kantɛ la yele n wana: Wo ko'sebego n vukure gɔbega mɔen la ha se'em kena na la, bala mea te dima la ze'ele pɔgɔtia kena na. A ze'ele la teŋsɛka n tare dabeem poan kena na. 2Mam to'e la yelehom n tare dabeem. Nɛre ŋma'ara la kelom ŋma'ara mɛ, te sagona la kelom dɔla sagona. Elam teŋa wa, ihege zom. Media teŋa, sogɛ gan'an gura. Mam go' enŋa n bahɛ te unhuga sɛka woo unhura la bahɛ mɛ. 3Wana wa zuo te mam iŋa wa taɛ la too. La wone mam mɛ wo pɔka n virigere la. Mam toba wam mɛ ka le wona, te dabeem kɛn' mam te mam ka le nyɛta. 4Mam potɛn'ɛrɛ n kaane, te dabeem pin' mam. Zaanɔman'aherɛ te mam nɔŋɛ la nya lebege la dabeem saŋa bo mam. 5Ba maahene la dia. Ba maalɛ dia tebole la. Ba dite mɛ. Ba nyu ya. Ihege ya zaba nɛŋadoma wa, la ya maahom zaberɛ. 6Daana la yele mam yeti, Tom nɛra te a keŋɛ ta limihe, la a yele enŋa n nyɛ sɛla. 7A han ta nyɛ yiri ban'areba, a han ta nyɛ te ba ban' yiri taga taaba, te bonhe tuŋe taaba, te yogoma tuŋe taaba. A ta behɛ soŋa soŋa. A ta ma'ɛn a mɛŋa behɛ paɛ paɛ. 8Te gura la ta yi' bahɛ na yeti, N daana, bolika woo mam yage la n limihego zen'an wa zuo. Mam ze' la limihego zen'an wa yu'uŋɔ woo. 9Behɛ, nananawa pɛɛntɛɛnreba n bala kena na wa. Ban bala ban' yiri tagalɛ taaba kena na wa, te nɛra ayema lebehe yeti, a lu ya. Babilon teŋa lu ya. A baga la te a mɛ' la woo wɔnrɛ mɛ gan'an. 10Mam nɛreba wa te ba tɔ ya toore poan pɔgɔlom wa, n yeti ya, mam n wom se'ere Pɛɛntɛɛnreba Na'ayenɛ n de Israel Yenɛ zen'an la: 11Dumah teŋa yele n wana: Nɛra n ze'ele Seir yi'ira mam na yeti, Gura wa, yu'uŋɔ wa paɛ la wane beene? Yu'uŋɔ wa paɛ la wane beene? 12Te gura la lebehe yeti, Beere wan yelegɛ, ge yenɛ wan le lu, ge ho han wan le soke, ho soke. Ta wa'ana le yɛ'ɛha. 13Arabia doma yele n wana: Dedan doma yogoma wa, ya wan yee gan'arɛ la Arabia mɔen la yu'uŋɔ. 14Tema teŋa nɛreba wa, tare ya ko'om na bo sɛba te ko'nyuuro tara ba wa. Tare ya dia to'ohɛ bo sɛba n zɔ peɛn ge te kom tara ba wa. 15Ba zɔ la so'a poan, zaberɛ so'a nɛŋan te ba zɔ. Ba zɔ la tanhɔ n ve'e nɛŋan. Ba zɔ la zaberɛ n mɔ'ɛ nini poan. 16Na'ayenɛ la yele mam yeti, Yia yuunɛ, kaanlɛ de nima nima wo tontona n wan kaanlɛ yuunɛ se'em la. Kedar teŋa soŋa la zan'an wan ba'ahɛ. 17Te teŋa la pɛɛntɛɛnreba, la ka panhedoma la gee la fiin wa. Israel Yenɛ n de Na'ayenɛ n yele se'em la.

will be added

X\