Isaiah 15

1Moab teŋa yele n wana: Yu'uŋɔ koyena te Ar teŋa n boe Moab teŋa la wan sagom lebege daboo. Yu'uŋɔ koyena te Kir teŋa n boe Moab teŋa wan sagom lebege daboo. 2Ba zan'an zom la Dibon baga kaanbegɔ zen'enhe la poan te ba ta kele. Moab teŋa kele la Nebo la Medeba teŋhe zuo. Nɛra woo zuo siie mɛ, te tɛɛŋa woo siie. 3Ba teŋa la poan, nɛra woo n kene sore zuo yɛ la sunsagaŋɔ futo. Ba gɔhɔrɔ zuto, la ba sɔnhega zen'enhe woo taɛ mɛ la koonɔ, te nɛra woo nintam sigera. 4Hesbon la Eleale teŋhe kaahere mɛ bahera na, te Yahaz teŋhe wona. Moab teŋa pɛɛntɛɛnreba kaahere la tagurega ge gbe'era la dabeem. 5Mam suunre kele mɛ bɔ'ɔra Moab teŋa. A nɛreba la zɔ zaan mɛ ta paɛ Zoar teŋa ge Eglat Selisiya ha. Ba zote la Luhit teŋa ha la koonɔ. Ba ze'ele la Horonaim teŋa sore zuo kele ba ninbɔn'ɔn, la ba sagaŋɔ la yele. 6Nimrim kolaahe la ku'e mɛ, ge te mɔɔ ku'e. Te mɔɔ man'aha ka boe. 7Bala ban lagahɛ lɔgɔseto biŋe la, ba ziire to yakera la kolega nɔgbenɛ tiihe la poan ha. 8Sunsagaŋɔ koonɔ n to'e Moab sɔ'ɔlom zan'an. Kaahega la paɛ Eglaim mɛ, tole paɛ Beer Elim. 9Se'ere n sɔe la, Dimon kolaahe perɛ mɛ la ziim. Yelemɛŋɛrɛ, n wan tare yɛla na pa'ahɛ Dimon teŋa wa. Gbegenɛ wan digera Moab nɛreba sɛba n zote la, la sɛba fiin wa n yee teŋa la poan la.

will be added

X\