Hosea 6

1Wa'an ya na te to lebe Na'ayenɛ zen'an! Enŋa n aanhom tɔ, ge a wan le tebɛ tɔ! Enŋa n pɔgɔlom tɔ, ge a wan le tebɛ tɔ! 2La han eŋɛ dabeha ayi', a wan kpemehe to, la ta yɛ'a dabeha atan' la, te a ihege saazuo, te to ta'an ze'ele a nɛŋan. 3Bahɛ ya te to pɛnrege to baŋɛ Na'ayenɛ! A wan ba'ahom nɛɛ a mea bo to wo wontɛɛŋa n wan ba'ahom lu se'em la. A wan ka'ɛ to zuo na wo saa la. A wan ka'ɛ to zuo na wo sigisaahe n ne ka'ɛ se'em na bogolɛ teŋa la. 4Epraim, n yeti n dekɛ hɔ eŋɛ la bem? Yuda, n yeti n dekɛ hɔ eŋɛ la bem? Ya nɔŋerɛ la ane wo bolika saa saŋgbana la, bo ane wo bolika mɛgelom n ka yuure ku'ure la. 5Bala zuo te mam dekɛ a nɔtɔgɔha la, ŋma ba zɔnra zɔnra. N nɔɔrɛ yetɔgom la n ko ba. Mam gankerɛ la paare ba zen'an woo mɛ wo bugum la. 6Mam nini tegɛ mɛ la birikinte ge dagɛ kaanbegɔ. Mam bote la Na'ayenɛ zɔɔlom, ge dagana nyɔ'an bo'olom. 7Ge ba me ane wo Adam la, ganlom mam nɔbiŋere la. Bilam te ba daa ka tara sakerɛ sera la mam. 8Gilead dela toonbe'erodoma teŋa, fɛn'ɛra la ziim. 9Wo faanreba n gan' mɔen poan gura nɛra se'em la, bala te malemadoma la naɛ taaba gan'an, sose'ere n dole yɛ'a Sekem na la zuo koora nɛreba. Tona toon ganlehe se'a n yalege nɔɔrɛ. 10Mam nyɛ yelefɛn'ɛrɛ Israel teŋa poan. Epraim kabonhe la boe bini mɛ, te Israel ganlom. 11N han ta le dekɛ n nɛreba wa lɔgɔrɔ la bo ba, hom Yuda wan kɛ' dia.

will be added

X\